Kuniñúʼu ña̱ tákún ña̱ va̱ʼa ndasakáʼnún Jehová

Ndióxi̱ kúú ta̱ ta̱xi ña̱ tákuyó ta ndáyáʼviníña. Xíʼin ña̱ kéʼéyó náʼa̱yó á ndáyáʼviña nu̱úyó. Ndiʼi na̱ testigo Jehová chíka̱a̱na ndée ña̱ kuniñúʼuna ndiʼi ña̱ va̱ʼa ña̱ kúúmiína ña̱ ndasakáʼnuna Jehová, ta̱ táxi ña̱ tákuna (Sl 36:9; Rev 4:11). Ndiʼi ña̱ ndóʼoyó kivi kindaaña tiempoyó ta ndáa loʼova chiñu Ndióxi̱ keʼéyó (Mr 4:18, 19). Xa̱ʼa ña̱yóʼo ndiʼiyó kivi nda̱ka̱tu̱ʼunyó miíyó: “¿Á ndíʼi̱-inii̱ xa̱ʼa chiñu Ndióxi̱? (Os 14:2). Chiñu ña̱ kúúmiíi̱ á carrera ña̱ ka̱ʼvii̱, ¿á chíndeéña yi̱ʼi̱ ña̱ kutáʼi̱n xíʼin Jehová? ¿Ndáaña ndákanixi̱níi̱ keʼíi̱ nu̱ú Jehová? ¿Ndáaña kivi keʼíi̱ ña̱ kachíñukai̱ nu̱ú Jehová?”. Ta kivi kachíñu ku̱a̱ʼákaún nu̱ú Ndióxi̱ túviún, ka̱ʼa̱n xíʼinra ña̱ ná chíndeéra yóʼó ña̱ va̱ʼa keʼúnña. Tá ndiʼi ki̱vi̱ ná ndasakáʼnuyó Jehová kusi̱íní-iniyó (Sl 61:8).

KOTO VIDEO KUNIÑÚʼU ÑA̱ XÍNI̱ÚN ÑA̱ VA̱ʼA KACHÍÑÚN NU̱Ú JEHOVÁ TA NDAKUIIN ÑA̱ PREGUNTA YÓʼO:

• ¿Nda̱chun va̱ása va̱ʼa kuniñúʼuyó ña̱ xíni̱yó ti̱xin ñuyǐví ta̱ Ndi̱va̱ʼa? (1Jn 2:17).

• ¿Ndáa bendición ndákiʼin na̱ táxi ña̱ va̱ʼa kúúmiína ndaʼa̱ Jehová?

• ¿Ndáa chiñu kúú ña̱ kúni̱ún keʼún nu̱ú Jehová ña̱ va̱ʼa kuniñúʼún ña̱ xíni̱ún?