Su̱ví nda̱a̱ táki̱ʼva ni̱xi̱yo ña̱ Pascua saá xi̱niñúʼu koo ña̱ Conmemoración, soo ku̱a̱ʼání ña̱ʼa kivi sakuaʼayó xíʼin ña̱yóʼo. Ta̱ apóstol Pablo sa̱kítáʼanra ta̱ Jesús xíʼin iin ndikachi, ta ka̱chira ta̱ Jesús ta̱ kúú pascuayó ni̱xi̱ʼi̱ra xa̱ʼayó (1Co 5:7). Ni̱i̱ tí ndikachi ña̱ xi̱niñúʼuna ka̱ʼyína yéʼé sa̱kákuña ku̱a̱ʼání na̱ yiví, saátu ni̱i̱ ta̱ Jesús ku̱a̱ʼání na̱ yiví sáka̱kuña (Éx 12:12, 13). Tí ndikachi tí xi̱xixina ña̱ Pascua kǒo níxiniñúʼu kuachi lekerí. Ni xi̱chachiva leke na̱ yiví tá xi̱xi̱ʼi̱na tiempo saá, soo ta̱ Jesús kǒo níchachi lekera (Éx 12:46; Jn 19:31-33, 36).