ÑA̱ KÉʼÉYÓ NA̱ TESTIGO

Ña̱ koo na̱ yiví discípulo ta̱ Jesús, ndáyáʼviní sanáʼa̱yóna ta natúʼunyó xíʼinna

Ta̱ Jesús ni̱ka̱ʼa̱nra xíʼin na̱ discípulora ña̱ ná ku̱ʼu̱nna ta sanáʼa̱na na̱ yiví xa̱ʼara (Mt 28:19). Ña̱ va̱ʼa kundiku̱nyó ley ta̱ Jesús, xíniñúʼu natúʼunyó ta sanáʼa̱yó na̱ yiví. Ná nda̱ka̱tu̱ʼun xíʼin miíyó: “¿Ndáaña xíniñúʼu keʼíi̱ ña̱ va̱ʼa sánáʼa̱kai̱ na̱ yiví?”.

ÑA̱ XÍKAYÓ NÁTÚʼUNYÓ

Kǒo kundatuyó ña̱ kixi na̱ yiví nu̱úyó, va̱ʼaka miíyó ná ku̱ʼu̱nyó nandukúyó na̱ ndixa kúni̱ sákuaʼa xa̱ʼa Ndióxi̱ (Mt 10:11). Tá xíkayó sánáʼa̱yó na̱ yiví xa̱ʼa Ndióxi̱, ¿á nátúʼunyó xíʼin ndiʼi na̱ ndáni̱ʼíyó? (Hch 17:17). Xa̱ʼa ña̱ chi̱ka̱a̱ní ta̱ apóstol Pablo ndée ña̱ na̱túʼunra xa̱ʼa Ndióxi̱ ñá Lidia ni̱xa̱a̱ñá sa̱kuaʼañá xa̱ʼa Ndióxi̱ (Hch 16:13-15).

Ta̱ Samuel táxira iin revista ndaʼa̱ ta̱ Ezequiel. Ta̱ Solomon xíʼin ñá Mary nátúʼunna xíʼin ta̱ Ezequiel xíʼin ñá Abigail — “Tá xi̱ta̱an chiʼi si̱ʼva̱ ta va̱ása sandákoún ña̱ kachíñún xíʼinña” (Ec 11:6).

TÁNDI̱ʼI XI̱TONDÓ VIDEO NÁ CHIKA̱A̱NÍYÓ NDÉE ÑA̱ NATÚʼUNYÓ XA̱ʼA NDIÓXI̱ NDA̱A̱ NDÁAKA NU̱Ú XÍKAYÓ TA SAÁTU TÁ NÁTÚʼUNYÓ VEʼE TÁ VEʼE, NDAKUIINNDÓ PREGUNTA YÓʼO:

¿Nda̱saa ni̱na̱ʼa̱ ta̱ Samuel ña̱ chi̱ka̱a̱ra ndée ña̱ sanáʼa̱ra na̱ yiví xa̱ʼa Ndióxi̱?
¿Nda̱chun xíniñúʼu chika̱a̱níyó ndée ña̱ natúʼunyó xa̱á Ndióxi̱?
¿Ndáana kivi natúʼi̱n xíʼin ni nda̱a̱ ndáaka chiñu kéʼíi̱?

ÑA̱ SÁNÁʼA̱YÓ

Ña̱ sanáʼa̱yó na̱ yiví su̱ví kuití taxiyó kuaʼá tutu ndaʼa̱na ta xa̱a̱ va̱ʼaví, xíniñúʼu ndikóyó kotoyóna ta sanáʼa̱yóna xa̱ʼa Ndióxi̱ (1Co 3:6-9). Soo, ¿ndáaña keʼéyó tá va̱ása chíka̱a̱na ndée ña̱ sákuaʼana xa̱ʼara? (Mt 13:19-22). Ná chika̱a̱yó ndée ña̱ nandukúyó na̱ yiví na̱ ndixa kúni̱ sákuaʼa xa̱ʼa Ndióxi̱ (Mt 13:23; Hch 13:48).

Ta̱ Ezequiel xíʼin ñá Abigail káʼvina Biblia xíʼin ta̱ Solomon xíʼin ñá Mary. Ta̱ Ezequiel xíʼin ñá Abigail nátúʼunna — “Yi̱ʼi̱ chi̱ʼi, ta̱ Apolos ni̱ko̱so̱ña, soo Ndióxi̱ kúú ta̱ sa̱kuaʼnuña” (1Co 3:6).

TÁNDI̱ʼI XI̱TONDÓ VIDEO NÁ CHIKA̱A̱NÍYÓ NDÉE ÑA̱ NATÚʼUNYÓ XA̱ʼA NDIÓXI̱ TÁ NÁTÚʼUNYÓ NU̱Ú XÍKA KU̱A̱ʼÁ NA̱ YIVÍ XÍʼIN TÁ KÁʼVIYÓ XÍʼINNA, NDAKUIINNDÓ PREGUNTA YÓʼO:

¿Ndáaña ke̱ʼé ta̱ Solomon xíʼin ñá Mary ña̱ va̱ʼa xa̱a̱ ta̱ Ezequiel xíʼin ñá Abigail kunda̱a̱-inina xa̱ʼa Jehová?
¿Ndáa ña̱ʼa kúú ña̱ xíniñúʼu kundi̱ʼi̱-iniyó xa̱ʼa tá ku̱a̱ʼa̱nyó veʼe tá veʼe ta saátu tá nátúʼunyó nu̱ú xíka ku̱a̱ʼá na̱ yiví?
¿Ndáa ña̱ʼa kúú ña̱ xíniñúʼu keʼéyó sava yichi̱ ña̱ va̱ʼa na̱ʼa̱yó ña̱ chíndayáʼviníyó ña̱ nátúʼunyó xa̱ʼa Ndióxi̱?