Chindeé táʼanndó xíʼin se̱ʼendó ña̱ kundiku̱nna yichi̱ ta̱ Jesús

Ña̱ kúsi̱íní-ini na̱ yivá kúúña tá na̱ va̱lí se̱ʼena ndíku̱nna yichi̱ ta̱ Jesús ta kǒo kéʼéna ña̱ kúni̱ miína chi keʼéna ña̱ ke̱ʼé ta̱ Jesús (Mr 8:34; 3Jn 4). ¿Nda̱saa xíniñúʼu chindeé táʼan na̱ íyo se̱ʼe xíʼin se̱ʼena ña̱ kundiku̱nna yichi̱ ta̱ Jesús, ndataxina miína ndaʼa̱ Jehová ta xa̱a̱na ndakuchina? ¿Nda̱saa náʼa̱ tá xa̱a̱ íyo tu̱ʼva iin na̱ va̱lí ña̱ ndakuchina?

Káʼvi ña̱ sección “Tu̱ʼun ña̱ ku̱a̱ʼa̱n nu̱ú na̱ íyo se̱ʼe”, ña̱ va̱xi nu̱ú ña̱ folleto ‘Kuaʼanndó ta sanáʼa̱ndóna, ña̱ ná kundiku̱nna sa̱tái̱, ta ná ndakuchinaʼ, página 4 xíʼin 5. Tándi̱ʼi ndakuiin ña̱ va̱xi yóʼo:

1. ¿Ndáaña kúni̱ kachi ña̱ kuuyó iin discípulo?

2. Na̱ íyo se̱ʼe, ¿ndáaña xíniñúʼu sanáʼa̱na se̱ʼena?

3. Nda̱a̱ táki̱ʼva káchi texto yóʼo, ¿nda̱saa kivi na̱ʼa̱ iin na̱ va̱lí ña̱ xa̱a̱ íyo tu̱ʼvana ña̱ ndakuchina?

   • Col 3:20

   • Lu 2:46

   • Sl 122:1

   • Mt 4:4

   • Mt 6:33

   • 1Co 15:33