Va̱ʼaní ná kundiku̱nyó yichi̱ ta̱ Jesús

Ndiʼiyó xíniñúʼu kundiku̱n yichi̱ ta̱ Jesús, ki̱vi̱ yáʼayó nu̱ú tu̱ndóʼo á kúndi̱va̱ʼana xíʼinyó (1Pe 2:21-23). Ta̱ Jesús kǒo níndakuiinra yuʼú na̱ i̱xandi̱va̱ʼa xíʼinra ni tá ki̱xaʼá xóʼvi̱ra (Mr 15:29-32). ¿Ndáaña chi̱ndeé táʼan xíʼinra ña̱ ndakú ni̱xi̱yo inira? Ña̱ xi̱kuni̱níra keʼéra chiñu nu̱ú Jehová (Jn 6:38). Saátu xi̱ndakanixi̱níra xa̱ʼa ña̱ ndakiʼinra chí nu̱únínu (Heb 12:2).

¿Nda̱saa ndóʼoyó tá íxandi̱va̱ʼana xíʼinyó ña̱ sákuaʼayó xa̱ʼa Ndióxi̱? Miíyó na̱ sákuaʼa xa̱ʼa Jehová kǒo kéʼéyó táʼan ña̱ kéʼéna xíʼinyó (Ro 12:14, 17). Tá ndíku̱nyó yichi̱ ta̱ Jesús ta kéʼéyó táʼan ña̱ ke̱ʼéra, kúsi̱í-iniyó chi kúnda̱a̱-iniyó ña̱ kíndo̱o-ini Ndióxi̱ xíniraña (Mt 5:10-12; 1Pe 4:12-14).

TÁNDI̱ʼI XI̱TONDÓ VIDEO NDA̱A̱ IIN ÑA̱ʼA KǑO NDÁYÁʼVI NDA̱A̱ TÁKI̱ʼVA NDÁYÁʼVI KI̱VI̱ JEHOVÁ, NDAKUIIN PREGUNTA ÑA̱ VA̱XI YÓʼO:

• ¿Ndáa ki̱ʼva xi̱niñúʼu ñá hermana Poetzinger tiempoñá tá xi̱ndika̱a̱ñá veʼeka̱a?

• ¿Ndáa tu̱ndóʼo kúúña ki̱xi nu̱ú ñá hermana Poetzinger xíʼin yiíñá tá xi̱ñuʼuna veʼeka̱a?

• ¿Ndáaña chi̱ndeé táʼan xíʼinna ña̱ ndakú ni̱xi̱yo inina?