Na̱ íyo se̱ʼe, chika̱a̱níndó ndée xíʼin se̱ʼendó

Ndiʼi na̱ ñúʼu ti̱xin ñuu Jehová kúni̱na ndiʼi na̱ se̱ʼena ná kachíñuna nu̱ú Jehová. Kuchiñuvana chindeé táʼanna xíʼinna tá chíka̱a̱na ndée ña̱ sanáʼa̱nana xa̱ʼa Ndióxi̱ tá válína (Dt 6:7; Pr 22:6). ¿Á va̱ása yo̱ʼvi̱ ña̱yóʼo? Yo̱ʼvi̱vaña, xíniñúʼu chika̱a̱nína ndée ña̱ sanáʼa̱nana, soo ku̱a̱ʼá ña̱ va̱ʼa ndakiʼinna tásaá kéʼéna (3Jn 4).

Na̱ íyo se̱ʼe kivi sákuaʼana xíʼin ña̱ ke̱ʼé ta̱ José xíʼin ñá María. Na̱yóʼo ku̱i̱ya̱ tá ku̱i̱ya̱ xi̱xa̱ʼa̱nna ña̱ pascua ñuu Jerusalén, ni káni̱ní xi̱niñúʼu ku̱ʼu̱nna ta ku̱a̱ʼá xu̱ʼún kuniñúʼuna ni saá xi̱xa̱ʼa̱nvana (Lu 2:41). Nu̱ú ta̱ José xíʼin ñá María ña̱ xi̱ndayáʼvi nu̱úna kúú ña̱ sakuaʼana xa̱ʼa Ndióxi̱. Tiempo vitin, na̱ íyo se̱ʼe kuchiñuna chindeé táʼanna xíʼin se̱ʼena ña̱ xa̱a̱na sakuaʼana xa̱ʼa Jehová, tá ndiʼi ki̱vi̱ chínúuna yichi̱ nu̱ú na̱ va̱leí yóʼo xíʼin tu̱ʼun ña̱ káʼa̱nna xíʼin ña̱ kéʼéna (Sl 127:3-5).

TÁNDI̱ʼI XI̱TONDÓ VIDEO KE̱ʼÉNA NDIʼI CHIÑU ÑA̱ TA̱XI JEHOVÁ NDAʼA̱NA, NDAKUIINNDÓ PREGUNTA YÓʼO:

• Tá ki̱xaʼá sákuaʼnu ta̱ Jon xíʼin ñá Sharon Schiller se̱ʼena, ¿nda̱saa chi̱núu nu̱úna chiñu Ndióxi̱?

• ¿Nda̱chun xíniñúʼu ka̱ʼa̱n na̱ íyo se̱ʼe xíʼin na̱ va̱lí se̱ʼena tá va̱ása va̱ʼa kéʼéna?

• ¿Nda̱saa kivi sánáʼa̱ na̱ íyo se̱ʼe na̱ va̱lí se̱ʼena ña̱ nda̱kú koo inina xíʼin Jehová?

• Ndiʼi ña̱ʼa ña̱ táxi na̱ ñuu Ndióxi̱ ndaʼa̱yó, ¿ndáaña xíniñúʼu yóʼó ña̱ chindeún na̱ va̱lí se̱ʼún ña̱ xa̱a̱na koona migo Jehová?