Ni̱xi̱ʼi̱ ta̱ Jesús xa̱ʼa na̱ hermanoyó

Ta̱ Jesús ni̱xi̱ʼi̱ra xa̱ʼa ña̱ yiví ku̱a̱chi (Ro 5:8). Ndiʼiyó táxiyó tixaʼvi xa̱ʼa ña̱ kúʼvi̱ní-inira xínira miíyó. Ta kǒo nandósóyó ña̱ ni̱xi̱ʼi̱tura xa̱ʼa na̱ hermanoyó chi na̱ yiví ku̱a̱chi kúútu na̱yóʼova. Ná kotoyó u̱ni̱ nu̱ú ña̱ʼa ndáa ki̱ʼva kuʼvi̱-iniyó kuniyó na̱ hermanoyó nda̱a̱ táki̱ʼva ke̱ʼé ta̱ Jesús. Ña̱ nu̱ú, ná kutáʼan va̱ʼayó xíʼin na̱ kǒo íyo táki̱ʼva íyo miíyó (Ro 15:7; 2Co 6:12, 13). Ña̱ u̱vi̱, ná kǒo ka̱ʼa̱nyó á ke̱ʼéyó ña̱ʼa ña̱ sándákava-ini inkana (Ro 14:13-15). Ña̱ u̱ni̱, ña̱ koo káʼnu-iniyó xa̱ʼa na̱ kíʼvi ku̱a̱chi nu̱úyó (Lu 17:3, 4; 23:34). Tá chíka̱a̱yó ndée ña̱ keʼéyó táʼan ña̱ ke̱ʼé ta̱ Jesús, Jehová taxira ku̱a̱ʼání bendición sa̱tá congregación ña̱ va̱ʼa vií kutáʼanyó.

TÁNDI̱ʼI XI̱TONDÓ VIDEO VA̱ʼAKANÍ LIVI XA̱A̱ÑA KOOÑA, NDAKUIINNDÓ PREGUNTA YÓʼO:

• 

  ¿Ndáaña xi̱ndakanixi̱ní ñá Miki xa̱ʼa congregación nu̱ú ndíka̱a̱ñá?

• 

  ¿Ndáaña chi̱ndeé táʼan xíʼinñá ña̱ vií nda̱kanixi̱níñá?

• 

  ¿Nda̱saa chi̱ndeé táʼan ña̱ ke̱ʼé ta̱ Jesús xíʼin ñá Miki ña̱ va̱ʼa nda̱kanixi̱níñá? (Mr 14:38).

• 

  ¿Nda̱saa kivi chindeé táʼan ña̱ va̱xi nu̱ú Proverbios 19:11 xíʼinyó ña̱ va̱ʼa kutáʼanyó xíʼin na̱ hermano?