Sakuaʼaka ña̱ vií sanáʼún: Chindeétáʼan xíʼin na̱ ndixa kúni̱ ndasakáʼnu Ndióxi̱

¿NDA̱CHUN XÍNIÑÚʼU KEʼÉYÓÑA? Jehová kúú ta̱ sákuaʼnu ña̱ nda̱a̱ níma̱ na̱ yiví na̱ ndixa kúni̱ sakuaʼa xa̱ʼara (Hch 13:48; 1Co 3:7). Ta chíndeéyó miíra tá chíka̱a̱yó ndée ña̱ chíndeétáʼanyó xíʼin na̱ yiví na̱ ndixa kéʼé ña̱ sákuaʼana nu̱ú Biblia (1Co 9:26). Na̱ yiví yóʼo xíniñúʼu kunda̱a̱-inina ña̱ va̱ʼa ka̱kuna, siʼna xíniñúʼu ndakuchina (1Pe 3:21). Ña̱ va̱ʼa chindeéyó na̱ káʼviyó xíʼin ña̱ xa̱a̱na ndasakáʼnuna Ndióxi̱, xíniñúʼu chindeétáʼanyó xíʼinna ña̱ nasamana miína, ña̱ sanáʼa̱na inkana xa̱ʼa Ndióxi̱, ta saátu ña̱ ndataxina miína ndaʼa̱ Jehová (Mt 28:19, 20).

¿NDÁA KI̱ʼVA KEʼÉYÓÑA?

• Ka̱ʼa̱n xíʼina ña̱ xáʼún sánáʼúnna chi kúni̱ún ná kunda̱a̱-inina xa̱ʼa Jehová ta keʼéna ña̱ kúni̱ra (Jn 17:3).

• Ña̱ va̱ʼa keʼékana ña̱ kúni̱ Ndióxi̱, chindeétáʼan xíʼinna ña̱ ná sandákoona keʼéna ña̱ va̱ása va̱ʼa ta saátu ña̱ ná va̱ása kutáʼanna xíʼin na̱ yiví na̱ kéʼé ña̱ va̱ása va̱ʼa.

• Ndasandakú-inina ta chika̱a̱ ndée xíʼinna tá kúma̱níka ndakuchina ta saátu tá xa̱a̱ nda̱kuchina (Hch 14:22).

TÁNDI̱ʼI XI̱TONDÓ VIDEO JEHOVÁ CHINDEÉTÁʼAN XÍʼÚN, NDAKUIINNDÓ PREGUNTA ÑA̱ VA̱XI YÓʼO:

• ¿Ndáa ña̱ kivi sáyi̱ʼví-ini iin na̱ yiví ña̱ va̱ása ndataxina miína ndaʼa̱ Ndióxi̱ ta ndakuchina?

• ¿Nda̱saa kivi chindeétáʼan na̱ anciano xíʼin na̱ sa̱kán kíxaʼá káʼvi Biblia ña̱ keʼéna ña̱ kúni̱ Ndióxi̱?

• ¿Ndáaña sákuaʼayó xa̱ʼa Jehová nu̱ú Isaías 41:10?

• ¿Ndáa ña̱ kivi chindeé miíyó ña̱ kachíñukayó nu̱ú Jehová ni kúúyó na̱ yiví ku̱a̱chi?