“Va̱ása ndákava-iniyó”

4:16-18

Ná ndakanixi̱níyó xa̱ʼa̱ u̱vi̱ na̱ familia ña̱ ndóona ini iin veʼe káʼnu ta ña̱ xa̱a̱ yatání kúú ña̱yóʼo. Ta iin na̱ familia yóʼo ndíʼi̱ní-inina, soo na̱ inka kúsi̱íní-inina. ¿Ndáa xa̱ʼa̱ kúúña? Chi xíni̱na ña̱ xa̱a̱ ku̱nu̱mí nasa̱mana inka veʼe xa̱á ña̱ liviníka nu̱ú ña̱yóʼo.

“Saáchi xíni̱yó ndiʼi ña̱ na̱kuva̱ʼa va̱ása kívi ka̱ʼa̱nña xa̱ʼa̱ ña̱ ndóʼoña ta ndeéní xóʼvi̱ña nda̱a̱ vitin”, miíyó na̱ káchíñu nu̱ú Ndióxi̱ kúndeé-iniyó xa̱ʼa̱ ña̱ ndátuyó koo chí nu̱únínu (Ro 8:22). Tu̱ndóʼo ña̱ ndóʼoyó vitin, á ña̱ xa̱a̱ kúndeé-iniyó nu̱ú ku̱a̱ʼání tiempo, ña̱ yáʼava kúúña ta loʼova tiempo xóʼvi̱yó íxaaña tá chítáʼanyóña xíʼin ña̱ taxi Ndióxi̱ ndaʼa̱yó chí nu̱únínu nu̱ú ñuʼú xa̱á ta kooña ndiʼi tiempo. Ña̱ ndakanixi̱níyó xa̱ʼa̱ bendición ña̱ taxi reino Ndióxi̱ ndaʼa̱yó, ña̱yóʼo taxi ña̱ si̱í kooyó ta va̱ása ndakava-iniyó.