Ku̱a̱ʼáka tiempo ná kutáʼanyó xíʼin na̱ kúʼvi̱-ini xíni Jehová

¿Nda̱chun xíniñúʼu ku̱a̱ʼáka tiempo kutáʼanyó xíʼin na̱ kúʼvi̱-ini xíni Jehová? Saáchi na̱ yiví na̱ kítáʼan xíʼinyó kúú na̱ sánáʼa̱ miíyó keʼéyó ña̱ va̱ʼa á ña̱ va̱ása va̱ʼa (Pr 13:20). Ta iin ta̱ ndo̱ʼo ña̱yóʼo kúú ta̱ rey Jehoás, va̱ʼaní chiñu xi̱keʼéra nu̱ú Jehová tá xi̱táʼanra xíʼin ta̱ su̱tu̱ káʼnu Jehoiadá (2Cr 24:2). Soo tá ni̱xi̱ʼi̱ ta̱ Jehoiadá, ta̱ Jehoás kǒo níxiniso̱ʼokara Jehová xa̱ʼa̱ ña̱ xi̱táʼanra xíʼin na̱ yiví na̱ kǒo ndásakáʼnu Ndióxi̱ (2Cr 24:17-19).

Tá siglo nu̱ú, ta̱ apóstol Pablo chi̱táʼanra ña̱ congregación xíʼin iin veʼe káʼnu, nu̱ú íyo ku̱a̱ʼání nu̱ú vaso ña̱ xíniñúʼuna. Táki̱ʼva íyo vaso ña̱ ndáyáʼviní xíniñúʼuna ti̱xin ña̱ veʼe yóʼo saá íyoyó tá va̱ása kítáʼanyó xíʼin na̱ kéʼé ña̱ va̱ása kútóo Jehová, ni testigo Jehová kúúna á ni na̱ veʼeyó kúúna (2Ti 2:20, 21). Ña̱kán, ná kutáʼanyó xíʼin na̱ kúʼvi̱-ini xíni Jehová ña̱kán va̱ʼa chika̱a̱na ndee̱ xíʼinyó ña̱ ndasakáʼnuyóra.

TÁNDI̱ʼI XI̱TONDÓ VIDEO ¿NDÁAÑA KEʼÉYÓ ÑA̱ KǑO KUTÁʼANYÓ XÍʼIN NA̱ KǑO KÉʼÉ ÑA̱ VA̱ʼA? NDAKUIINNDÓ ÑA̱ PREGUNTA YÓʼO:

• ¿Ndáa ki̱ʼva kixáʼayó kutáʼanyó xíʼin na̱ kǒo kéʼé ña̱ va̱ʼa ta ni kǒo kiʼinyó kuenta xíʼin ña̱yóʼo?

• ¿Ndáaña chi̱ndeétáʼan xíʼin u̱ni̱ na̱ hermano na̱ xi̱niyó nu̱ú video yóʼo ña̱ nda̱koona kutáʼanna xíʼin na̱ kéʼé ña̱ va̱ása va̱ʼa?

• ¿Ndáa texto ña̱ va̱xi nu̱ú Biblia kivi chindeétáʼan xíʼinyó ña̱ ndaka̱xinyó na̱ kutáʼan xíʼinyó?