Ná chika̱a̱yó ndee̱ ña̱ kundiku̱nyó ña̱ nda̱a̱

Jud 3

Ta̱ Jesús ka̱chira: “Chika̱a̱níndó ndee̱ ña̱ ki̱ʼvindó chí yéʼé táñu” (Lu 13:24). Tu̱ʼun ña̱ ni̱ka̱ʼa̱nra yóʼo náʼa̱ña nu̱úyó ña̱ xíniñúʼu chika̱a̱níyó ndee̱ ña̱ va̱ʼa sákusi̱íyó ini Ndióxi̱. Mií Jehová chi̱ndeétáʼan xíʼin ta̱ Judas ñani ndáʼvi ta̱ Jesús, ña̱ kaʼyíra tu̱ʼun ña̱ kítáʼan xíʼin ña̱ tu̱ʼun yóʼo ta káchiña: “Chika̱a̱níndó ndee̱ xa̱ʼa̱ ña̱ kándíxandó Ndióxi̱”. Xa̱ʼa̱ ña̱kán xíniñúʼu chika̱a̱níyó ndee̱:

• Ña̱ va̱ása keʼéyó ña̱ kini (Jud 6, 7).

• Ña̱ ixato̱ʼóyó na̱ níʼi yichi̱ nu̱úyó ti̱xin ña̱ congregación (Jud 8, 9).

• Ña̱ ndasandakúyó ña̱ kándíxayó Ndióxi̱ xíʼin ndiʼi ña̱ sánáʼa̱ na̱ ñuura miíyó (Jud 20, 21).