“Ndiʼi saá na̱ íyo nu̱ú ñuʼú yóʼo iinlá tu̱ʼun xi̱ka̱ʼa̱nna”

11:1-4, 6-9

Jehová na̱samara tu̱ʼun na̱ ñuu Babel xa̱ʼa̱ ña̱yóʼo nda̱taʼvína. Soo tiempo vitin Jehová ndákayara ku̱a̱ʼání na̱ yiví, ñuu náʼnu xíʼin ñuu válí saátu na̱ káʼa̱n inka nu̱ú tu̱ʼun, ta sánáʼa̱rana iin tu̱ʼun ña̱ va̱ʼaní ña̱ va̱ʼa ndasakáʼnuna ki̱vi̱ra ta inkáchi kachíñuna nu̱úra (Sof 3:9; Ap 7:9). Ña̱ tu̱ʼun va̱ʼa yóʼo kúú: ña̱ káʼa̱n ña̱ nda̱a̱ xa̱ʼa̱ Jehová xíʼin xa̱ʼa̱ ña̱ kúni̱ra koo nu̱ú ñuʼú yóʼo nda̱a̱ táki̱ʼva káʼa̱n ña̱ va̱xi nu̱ú tu̱ʼunra.

Ña̱ sakuaʼayó inka tu̱ʼun xa̱á su̱ví kuití sakuaʼayó ña̱yóʼo xíʼin xi̱níyó ta xa̱a̱ va̱ʼaví chi íyo ku̱a̱ʼáka ña̱ xíniñúʼu keʼéyó. Xíniñúʼu sakuaʼayó ña̱ síín ndakanixi̱níyó. Ta ki̱ʼva saá ndóʼoyó ki̱vi̱ sákuaʼayó ña̱ nda̱a̱ xa̱ʼa̱ Ndióxi̱ ta kíxáʼayó násamayó ña̱ ndákanixi̱níyó (Ro 12:2). Ña̱yóʼo iin ña̱ xíniñúʼu keʼéyó ndiʼi saá tiempo kúúña chi saá kúú ña̱ va̱ʼaní kitáʼanyó xíʼin na̱ ndásakáʼnu Ndióxi̱ (1Co 1:10).