¿Ndáa ña̱ xíniñúʼu keʼé na̱ xa̱a̱ ti̱ndaʼa̱ ña̱ va̱ʼaní kutáʼanna xíʼin na̱ ti̱ndaʼa̱ xíʼinna?

Ta̱ Abrahán xíʼin ñá Sara xi̱kuʼvi̱ní-inina xi̱xini táʼanna saátu va̱ʼaní xi̱ ixato̱ʼó táʼanna (Gé 12:11-13; 1Pe 3:6). Ni xi̱kuʼvi̱níva-inina xi̱xini táʼanna nixi̱yova ku̱a̱chi ti̱xin matrimoniona, ta ku̱a̱ʼání tu̱ndóʼo ni̱ya̱ʼana nu̱ú. ¿Ndáa ña̱ kivi sákuaʼa na̱ xa̱a̱ ti̱ndaʼa̱ xíʼin ejemplo ta̱ Abrahán xíʼin ñá Sara?

Na̱ xa̱a̱ ti̱ndaʼa̱ ndáyáʼviní ka̱ʼa̱n xíʼin táʼanna ndiʼi tiempo. Tá na̱ ti̱ndaʼa̱ xíʼún sáa̱na káʼa̱nna xíʼún ta va̱ása va̱ʼa káʼa̱nna xíʼún chika̱a̱ ndee̱ ña̱ va̱ása sa̱a̱ kamaún xíʼinna (Gé 16:5, 6). Tavandó tiempo ña̱ inkáchi keʼéndó ña̱ʼa, na̱ʼa̱ndó xíʼin tu̱ʼun ña̱ káʼa̱nndó á xíʼin ña̱ kéʼéndó ña̱ ndixa kúʼvi̱-inindó xíni táʼanndó. Ta iin ña̱ ndáyáʼvi va̱ʼaka keʼéndó kúú ña̱ ndiʼi tiempo taxindó ná chindeétáʼan Jehová xíʼinndó: ndiʼi tiempo káʼvindó, ndiʼi tiempo ka̱ʼa̱nndó xíʼin Ndióxi̱, ta inkáchi kitáʼanndó ña̱ ndasakáʼnundó Ndióxi̱ (Ec 4:12). Na̱ matrimonio na̱ va̱ʼaní kítáʼan va̱ʼaní ndásakáʼnuna Jehová, chi miíra kúú ta̱ chi̱ndúʼú xa̱ʼa̱ ña̱yóʼo nda̱a̱ tá xa̱ʼa̱.

TÁNDI̱ʼI XI̱TONDÓ VIDEO ¿NDÁAÑA KEʼÚN ÑA̱ VA̱ʼAKA KUTÁʼÚN XÍʼIN ÑÁ SÍʼÚN Á YIÍÚN?, NDAKUIINNDÓ PREGUNTA YÓʼO:

• ¿Ndáa ña̱ náʼa̱ ña̱ ku̱a̱ʼa̱n kúxíka ta̱ Shaan xíʼin ñá Kiara nu̱ú táʼanna?

• ¿Nda̱chun ndáyáʼviní ña̱ ka̱ʼa̱n xíʼin táʼan na̱ ti̱ndaʼa̱?

• Ejemplo ta̱ Abrahán xíʼin ñá Sara, ¿ndáa ki̱ʼva chi̱ndeétáʼanña xíʼin ta̱ Shaan saátu xíʼin ñá Kiara?

• ¿Ndáa ña̱ ke̱ʼé ta̱ Shaan saátu ñá Kiara ña̱ va̱ʼaní ki̱xáʼa kítáʼanna?

• Ndiʼi na̱ ti̱ndaʼa̱, ¿nda̱chun va̱ása xíniñúʼu ndakanixi̱nína ña̱ kǒo ku̱a̱chi kuumiína?