Ta̱ faraón va̱ása níkiʼinra kuenta ta ni̱xa̱a̱ra ke̱ʼéra ña̱ kúni̱ mií Ndióxi̱

8:15, 18, 19; 9:15-17

Na̱ faraón na̱ ni̱xi̱yo ñuu Egipto nda̱a̱ táki̱ʼva ni̱xi̱yo ndióxi̱ saá ni̱xi̱yona nu̱ú miína. Ña̱yóʼo táxiña kúnda̱a̱-iniyó nda̱chun ni̱nuní xi̱kuni ta̱ faraón, ta xa̱ʼa̱ ña̱yóʼo va̱ása níxiniso̱ʼora ña̱ ni̱ka̱ʼa̱n ta̱ Moisés xíʼin ta̱ Aarón xíʼinra, ta nda̱a̱ na̱ su̱tu̱ na̱ kéʼé magia va̱ása níxiniso̱ʼorana.

Ta yóʼó, ¿á xíniso̱ʼún tá táxina iin consejo ndaʼún? Ta ¿á táxiún tíxa̱ʼvi ndaʼa̱na xa̱ʼa̱ ña̱yóʼo? ¿Á ndákanixi̱níún ña̱ va̱ʼa kúú ña̱ kéʼún? Ndakaʼán, na̱ yiví na̱ ni̱nu kúni kǒo ña̱ va̱ʼa ndóʼona (Pr 16:18). Ndáyáʼviní ña̱ va̱ása ni̱nu koo iniyó.