Jehová ndáara na̱ ñuura

Na̱ ñuu Israel va̱ása nínandósó-inina xa̱ʼa̱ ña̱ nu̱ú pascua ña̱ ke̱ʼéna. Saáchi tá xi̱ni ta̱ faraón ña̱ ni̱xi̱ʼi̱ se̱ʼera ta̱ nu̱ú, ndi̱kún saá ni̱ka̱ʼa̱nra xíʼin ta̱ Moisés: “Kúaʼanndó, ta kuxíkandó nu̱ú na̱ ñui̱, ta ná ku̱ʼu̱n ndiʼi na̱ ñuu Israel. Ta kúaʼanndó ndasakáʼnundó Jehová, nda̱a̱ táki̱ʼva ni̱ka̱ʼa̱nndó.” (Éx 12:31). Ta xíʼin ña̱yóʼo ni̱na̱ʼa̱ Jehová ña̱ ndiʼi tiempo ndáara na̱ ñuura.

Ki̱vi̱ káʼviyó xa̱ʼa̱ ña̱ ndóʼo na̱ ñuu Jehová na̱ íyo tiempo vitin, kúnda̱a̱-iniyó ndáa ki̱ʼva ndáarana. Ña̱yóʼo kúú ña̱ káʼa̱n ña̱ exposición, ña̱ naní “Iin ñuu ña̱ níʼi ki̱vi̱ Jehová”.

TÁNDI̱ʼI XI̱TONDÓ VIDEO NÁ KOTOYÓ EXPOSICIÓN ÑA̱ ÍYO CHÍ WARWICK: “IIN ÑUU ÑA̱ NÍʼI KI̱VI̱ JEHOVÁ”, NDAKUIINNDÓ PREGUNTA YÓʼO:

• 

  ¿Ndáa ña̱ʼa kúú ña̱ xi̱niñúʼu na̱ xi̱kaʼvi Biblia tá ku̱i̱ya̱ 1914 ña̱ na̱túʼunna xa̱ʼa̱ Ndióxi̱, ta ndáa ña̱ va̱ʼa nda̱kiʼinna xa̱ʼa̱ ña̱ xi̱niñúʼuna ña̱yóʼo?

• 

  ¿Ndáa tu̱ndóʼo kúú ña̱ ni̱ya̱ʼa na̱ hermano nu̱ú tá ku̱i̱ya̱ 1916 xíʼin 1918, ta ndáa ña̱ ni̱na̱ʼa̱ ña̱ mií Jehová kúú ta̱ xi̱niʼi yichi̱ nu̱ú na̱ ñuura?

• 

  ¿Ndáa ki̱ʼva nda̱kú ni̱xiyó ini na̱ ñuu Ndióxi̱ ni ni̱xi̱yoní tu̱ndóʼo nu̱úna?

• 

  ¿Ndáa ña̱ ni̱xa̱a̱ na̱ ñuu Ndióxi̱ ku̱nda̱a̱-inina tá ku̱i̱ya̱ 1935, ta ndáa ki̱ʼva chi̱ndeétáʼan ña̱yóʼo xíʼinna?

• Tá xa̱a̱ ni̱xa̱ʼún xítoún iin exposición táʼa̱n ña̱yóʼo á iin Betel, ¿ndáa ña̱ nda̱sandakúka ña̱ kándíxaún Jehová ña̱ ndáara na̱ ñuura?