Kǒo kundiku̱nyó sa̱tá ku̱a̱ʼá na̱ yiví

23:1-3

Ley ña̱ ta̱xi Jehová ndaʼa̱ na̱ ñuu Israel xi̱ka̱ʼa̱nña xíʼin na̱ xi̱kuu juez xíʼin na̱ xi̱kuu testigo sa̱tá na̱ yiví, ña̱ va̱ása taxina saká inka na̱ yiví xi̱nína. Na̱ juez va̱ása níxi̱xiniñúʼu ndaka̱xin na̱yóʼo ndáa na̱ yiví chindeétáʼanna xíʼin, saátu na̱ xi̱kuu testigo sa̱tá na̱ yiví va̱ása níxi̱xiniñúʼu ka̱ʼa̱n na̱yóʼo ña̱ vatá. Ña̱ Biblia káʼa̱nña ña̱ va̱ása kundiku̱nyó sa̱tá na̱ yiví na̱ kéʼé ña̱ va̱ása va̱ʼa, ña̱yóʼo kivi chindeétáʼanña xíʼinyó, saáchi na̱ yiví na̱ íyo tiempo vitin kúni̱na ná ndakanixi̱níyó nda̱a̱ táki̱ʼva ndákanixi̱ní miína, ta ná keʼéyó nda̱a̱ táki̱ʼva kéʼé miína (Ro 12:2).

¿Nda̱chun va̱ása xíniñúʼu taxiyó ña̱ saká na̱ yiví xi̱níyó tá...

• ... káʼa̱nna iin ña̱ vatá á ña̱ va̱ása va̱ʼa xa̱ʼa̱ iin na̱ yiví?

• ... ndáka̱xinyó ti̱ko̱to̱ ña̱ kundixiyó, á tá ndáka̱xinyó ndáa ki̱ʼva chuʼunyó xi̱níyó á tá ndáka̱xinyó ña̱ kusíkíyó?

• ... ndákanixi̱níyó xa̱ʼa̱ na̱ yiví na̱ inka raza á na̱ ki̱xi inka ñuu á na̱ nda̱ʼví á tá kítáʼanyó xíʼinna?