Sakuaʼaka ña̱ va̱ʼa sanáʼa̱kaún: Ná kuniñúʼuyó ña̱ naní portero eléctrico á ña̱ interfono ña̱ va̱ʼa natúʼunyó xíʼin na̱ yiví xa̱ʼa̱ Ndióxi̱

¿NDA̱CHUN XÍNIÑÚʼU KEʼÉYÓÑA? Xa̱ʼa̱ ña̱ íyoní na̱ yiví na̱ ndi̱va̱ʼa-ini, ku̱a̱ʼání na̱ yiví xíniñúʼuna sava ña̱ʼa veʼena, tá kúú iin cámara á ña̱ káʼa̱nna xíʼin interfono. Ta sava yichi̱ sana kukaʼan nu̱úyó ña̱ natúʼunyó xíʼinna xa̱ʼa̱ Ndióxi̱ xíʼin ña̱yóʼo saáchi va̱ása kívi kotoyóna soo na̱yóʼo xítona miíyó. Ña̱ va̱xi yóʼo kivi chindeétáʼanña xíʼinyó ña̱ natúʼunyó xíʼin na̱ yiví, xíʼin ña̱ camara á ña̱ naní interfono.

¿NDÁA KI̱ʼVA KEʼÉYÓÑA?

• Vaása taxiún ña̱ ndakava-iniún. Ku̱a̱ʼání na̱ yiví na̱ kúúmií iin cámara á iin interfono kúni̱vana ka̱ʼa̱nyó xíʼinna xa̱ʼa̱ Ndióxi̱.

• Xíniñúʼu kunda̱a̱-iniún ña̱ sava cámara tá kúma̱níka katavi̱ ndaʼún timbre, xa̱a̱ kíxáʼa miíña kéʼéña grabación, ta xa̱ʼa̱ ña̱yóʼo sana xa̱a̱ xíniso̱ʼona ña̱ káʼa̱nyó ta saátu sana xa̱a̱ xítona miíyó tá xa̱a̱ kúyatinyó chí yéʼéna.

• Tá xa̱a̱ ka̱tavi̱ nda̱ʼún timbre ta nda̱kuiinna yuʼún, ka̱ʼa̱n xíʼinna nda̱a̱ tákiʼva káʼún xíʼin iin na̱ yiví na̱ ndíta nu̱ún. Xíniñúʼu ku̱a̱kún xíʼinna, ta kanda ndaʼún. Ka̱ʼa̱n xíʼin na̱ yiví yóʼo nda̱a̱ táki̱ʼva ka̱ʼún xíʼinna tá ná kunana yéʼéna. Tá íyo iin cámara, loʼo kuyatiún nu̱úña. Tá va̱ása ndákuiin na̱ yiví yuʼún, va̱ása ndakoún iin mensaje.

• Kǒo nandósóún ña̱ tá xa̱a̱ ndi̱ʼi na̱túʼún xíʼin na̱ yiví, sana na̱yóʼo xítokana ña̱ kéʼún á sana xíniso̱ʼokana ña̱ káʼún.