Ná chindayáʼviyó ña̱ kítáʼanyó xíʼin Jehová

Miíyó na̱ xa̱a̱ nda̱taxi xíʼin mií ndaʼa̱ Jehová ta nda̱kuchiyó, kúúmiíyó iin privilegio káʼnuní, ña̱ chika̱a̱yó ndee̱ ña̱ vií kutáʼanyó xíʼin Jehová. Ta xi̱niñúʼura se̱ʼera ña̱ va̱ʼa kuyatinyó nu̱úra, ta ña̱kán xíniso̱ʼora tá káʼa̱nyó xíʼinra (Sl 34:15; Jn 6:44).

¿Ndáa ki̱ʼva kundaayó ña̱ kítáʼanyó xíʼin Ndióxi̱? Ña̱ va̱ása keʼéyó táʼan ña̱ʼa ña̱ va̱ása va̱ʼa ña̱ ke̱ʼé na̱ ñuu Israel. Chi tá ni̱ya̱ʼa loʼo tiempo ña̱ ke̱ʼéna iin trato xíʼin Jehová, ki̱xáʼana ke̱ʼéna iin si̱ndi̱ki̱ tí oro ta nda̱sakáʼnunarí (Éx 32:7, 8; 1Co 10:7, 11, 14). Ná nda̱ka̱tu̱ʼúnyó miíyó: “Tá kúni̱i̱ keʼíi̱ iin ña̱ va̱ása va̱ʼa, ¿ndáaña xíniñúʼu keʼíi̱? ¿Á náʼi̱ xíʼin ña̱ kéʼíi̱ ña̱ chíndayáʼvii̱ ña̱ kítáʼi̱n xíʼin Jehová?”. Ña̱ kúʼvi̱-iniyó xíniyó yiváyó Jehová chindeétáʼanña xíʼinyó ña̱ kuxíkayó nu̱ú ña̱ʼa ña̱ va̱ása kútóora (Sl 97:10).

TÁNDI̱ʼI XI̱TONDÓ VIDEO NÁ KUNDAAYÓ ÑA̱ KÍTÁʼANYÓ XÍʼIN JEHOVÁ (COL 3:5), NDAKUIINNDÓ PREGUNTA YÓʼO:

• ¿Ndáaña kúú ña̱ kutóoníyó ña̱ʼa inkana?

• ¿Nda̱chun va̱ása xíniñúʼu ndasakáʼnuyó ndióxi̱ vatá ta saátu kutóoníyó ña̱ʼa inkana?

• ¿Ndáa ki̱ʼva kítáʼan ña̱ ku̱su̱n iin na̱ xa̱a̱ ti̱ndaʼa̱ xíʼin na̱ su̱ví kúú yiína á ñá síʼína xíʼin ña̱ ndasakáʼnuna inka ndióxi̱?

• Na̱ kúúmií chiñu ti̱xin congregación, ¿nda̱chun ndáyáʼviní kiʼinna kuenta ndáa ña̱ xíniñúʼu na̱ ti̱ndaʼa̱ xíʼinna?