Campaña ña̱ ndáyáʼviní ña̱ koo yo̱o̱ noviembre ña̱ natúʼunna xa̱ʼa̱ Reino Ndióxi̱

Ta̱ Jesús na̱túʼunra xa̱ʼa̱ tu̱ʼun va̱ʼa ña̱ Reino Ndióxi̱ ta sa̱náʼa̱ra na̱ yiví ña̱ ndukúna ná kixi ña̱yóʼo (Lu 4:43; Mt 6:9, 10). Ña̱ yo̱o̱ noviembre chika̱a̱níyó ndee̱ ña̱ natúʼunyó xa̱a̱ Reino Ndióxi̱ (Mt 24:14). Ná taváyó tiempoyó ña̱ va̱ʼa kakayó natúʼunyó xa̱ʼa̱ Reino Ndióxi̱ tá ná kixaa̱ ña̱ campaña yóʼo. Na̱ kúú precursor ña̱ yo̱o̱ yóʼo, kivi ndataxina 30 á 50 hora.

Ti̱xin ña̱ campaña yóʼo, kaʼvi iin texto ña̱ káʼa̱n xa̱ʼa̱ Reino Ndióxi̱ nu̱ú ku̱a̱ʼá na̱ yiví. Tá ná kaʼviúnña nu̱ú na̱ yiví, kiʼin kuenta ndáaña kándíxana ña̱ ñuu nu̱ú íyona. Tá va̱ʼaní xi̱niso̱ʼona ña̱ ni̱ka̱ʼún xíʼinna, kivi taxiún ña̱ La Atalaya ndaʼa̱na, ña̱ número 2 ña̱ ku̱i̱ya̱ 2020 (edición para el público). Ta ndi̱ku̱n ndikóún nu̱úna ta kixáʼún kaʼviún xíʼinna xíʼin tutu ña̱ xíniñúʼuyó ña̱ sánáʼa̱yó na̱ yiví. Si̱lóʼoní kúma̱ní ta kixaa̱ Reino Ndióxi̱ ña̱ sandíʼi-xa̱ʼa̱ña na̱ chíñu na̱ íyo nu̱ú ñuʼú yóʼo (Da 2:44; 1Co 15:24, 25). Ña̱kán ná chika̱a̱níyó ndee̱ ña̱ na̱ʼa̱yó ña̱ nda̱kú íyo iniyó xíʼin Jehová ta saátu xíʼin Reinora tá ná kixaa̱ ña̱ campaña yóʼo.