Ná va̱ása ndakooyó ña̱ kuniñúʼuyó revista

Nda̱a̱ tá ku̱i̱ya̱ 2018, revista ña̱ táxiyó ndaʼa̱ na̱ yiví iin kuití tema káʼa̱nña xa̱ʼa̱. Ta kivi kuniñúʼuyóña ña̱ taxiyóña ndaʼa̱ na̱ yiví ti̱xin predicación. Saátu kivi ku̱ʼu̱n ña̱yóʼo xíʼinyó tá ku̱a̱ʼa̱nyó satáyó á inkaka nu̱ú ku̱a̱ʼa̱nyó. Ña̱ revista yóʼo va̱ása xíniñúʼuyóña ña̱ kaʼviyó xíʼin na̱ yiví, soo kivi chindeétáʼanña xíʼinna ña̱ xa̱a̱na kunda̱a̱-inina xa̱ʼa̱ Ndióxi̱.

Tá nátúʼún xíʼin iin na̱ yiví, kaʼvi iin texto ña̱ va̱xi nu̱ú Biblia nu̱úna ta ka̱ʼa̱n xa̱ʼa̱ iin tema ña̱ va̱xi nu̱ú iin revista xíʼinna chi sana kuni̱na kunda̱a̱-inina ndáaña káʼa̱nña. Ta tá na̱ yiví kán kúúmiína na̱ veʼena, á kúsuchí-inina á ndíʼi-inina, ña̱yóʼo kúú ña̱ kuchiñu ka̱ʼún xíʼinna: “Sa̱kán íyo loʼo tiempo ka̱ʼvii̱ iin tutu ña̱ káʼa̱n xa̱ʼa̱ ña̱yóʼo, ¿á kivi na̱ʼi̱ña nu̱ún?”. Ta tá na̱ yiví kán kúni̱na kunda̱a̱-inina xa̱ʼa̱ña, saá kivi taxiúnña ndaʼa̱na ta kivitu sayáʼúnña nu̱ú celular ña̱ kúúmiína. Kivi taxiún tutu yóʼo ndaʼa̱na tá ña̱ nu̱ú yichi̱ kúú ña̱ ni̱ka̱ʼún xíʼinna. Ña̱ revista yóʼo kivi chindeétáʼanña xíʼinna ña̱ xa̱a̱na kandíxana Jehová (Hch 13:48).

2018

2019

2020