Ti̱xin ña̱ asamblea regional kúú nu̱ú náʼa̱yó ña̱ kúʼvi̱-iniyó xínitáʼanyó

¿Nda̱chun kútóoníyó ku̱ʼu̱nyó ña̱ asamblea regional? Saáchi nda̱a̱ táki̱ʼva xi̱keʼé na̱ ñuu Israel, saátu kéʼé miíyó tiempo vitin ña̱ ndásakáʼnuyó Jehová xíʼin ku̱a̱ʼání na̱ hermanoyó. Ta ti̱xin ña̱ asamblea yóʼo ku̱a̱ʼání ña̱ʼa sákuaʼayó xa̱ʼa̱ Jehová, ta saátu ndákutáʼanyó xíʼin na̱ migoyó ta saátu xíʼin na̱ veʼeyó. Ta xa̱ʼa̱ ña̱ chíndayáʼviníyó ña̱ asamblea yóʼo ña̱kán chíka̱a̱níyó ndee̱ ña̱ ku̱ʼu̱nyó u̱ni̱ saá ki̱vi̱ tá xíyoña.

Tá ndákutáʼanyó ti̱xin ña̱ asamblea yóʼo, ná va̱ása ndakanixi̱níyó xa̱ʼa̱ ña̱ ndakiʼin kuitíyó, chi ña̱ xíniñúʼu keʼéyó kúú ña̱ na̱ʼa̱yó ña̱ kúʼvi̱-iniyó xíniyó na̱ hermanoyó (Gál 6:10; Heb 10:24, 25). Náʼa̱yó ña̱ ndíʼi-iniyó xa̱ʼa̱ na̱ hermanoyó tá nda̱saa tayi̱ tú kundoo kuitíyó sásiyó ta saátu tá ndákuináyó yéʼé ña̱ ya̱ʼa sava na̱ hermanoyó (Flp 2:3, 4). Ti̱xin ña̱ asamblea yóʼo kivi ndani̱ʼíyó na̱ koo migoyó. Ña̱kán ná chika̱a̱yó ndee̱ ña̱ ka̱ʼa̱nyó xíʼin na̱ hermano na̱ va̱ása xíni̱yó. Ta kivi keʼéyó ña̱yóʼo tá kúma̱níka kixáʼa ña̱ asamblea á tá xa̱a̱ ná ndiʼiña á tá kíxaa̱ hora ña̱ kuxuyó (2Co 6:13). Chi na̱yóʼo va̱ása ndakoona ña̱ koona migoyó. Ta tá inkana ná kunina ña̱ ndixa kúʼvi̱-iniyó xínitáʼanyó, na̱yóʼo kuni̱na sákuaʼana xa̱ʼa̱ Jehová (Jn 13:35).

TÁNDI̱ʼI XI̱TONDÓ VIDEO ÑA̱ NANÍ ÑA̱ ASAMBLEA INTERNACIONAL “ÑA̱ KÚʼVI̱-INIYÓ VA̱ÁSA NDIʼI-XA̱ʼA̱ÑA”, NDAKUIINNDÓ PREGUNTA YÓʼO:

• 

  ¿Ndáaña ke̱ʼé na̱ hermano ña̱ ni̱na̱ʼa̱na ña̱ ni̱ku̱ʼvi̱-inina xi̱nina na̱ hermano na̱ ki̱xi inka ñuu ti̱xin ña̱ asamblea internacional ña̱ ni̱xi̱yo tá ku̱i̱ya̱ 2019?

• 

  ¿Nda̱chun ndákanda̱ní-ini inka na̱ yiví xa̱ʼa̱ ña̱ va̱ʼaní kítáʼan na̱ ñuu Ndióxi̱ ta saátu xa̱ʼa̱ ña̱ kúʼvi̱ní-inina xínitáʼanna?

• 

  ¿Ndáaña ni̱ka̱ʼa̱n na̱ Cuerpo Gobernante xa̱ʼa̱ ña̱ kúʼvi̱ní-iniyó xínitáʼanyó?

• 

  ¿Ndáa ki̱ʼva ni̱na̱ʼa̱ na̱ hermano ña̱ kúʼvi̱-inina xínitáʼanna chí Alemania xíʼin chí Corea del Sur?

• ¿Ndáaña chika̱a̱-iniyó keʼéyó?