Tíxa̱ʼvi Jehová xíʼin ta̱ Jesús chi ña̱ va̱ʼa na̱yóʼo kivi sa̱ñáyó

¿Ndáa tu̱ndóʼo kúú ña̱ yáʼún nu̱ú ndiʼi ki̱vi̱? Tá ta̱ xa̱a̱ ti̱ndaʼa̱ kúún, ¿á íxayo̱ʼvi̱ña xíʼún ña̱ taxiún ndiʼi ña̱ xíniñúʼu na̱ veʼún? Tá iinlá miíún kúú na̱ kíʼin kuenta xíʼin na̱ va̱lí se̱ʼún, ¿á íxayo̱ʼvi̱ña xíʼún ña̱ taxiún ña̱ xíniñúʼu na̱yóʼo? ¿Á iin na̱ kúa̱an kúún ta kúsi̱kindaana yóʼó escuela nu̱ú ndíka̱ún? ¿Á ndeé ndóʼún xa̱ʼa̱ ña̱ ku̱u xi̱kua̱ʼún? Ndiʼiyó yáʼayó nu̱ú tu̱ndóʼo, soo íyo savaka na̱ hermano na̱ yáʼa nu̱ú ku̱a̱ʼáníka tu̱ndóʼo. Soo iin ña̱ va̱ʼaní kúú ña̱ xa̱a̱ si̱lóʼo kúma̱ní ta va̱ása xo̱ʼvi̱kayó (2Co 4:16-18).

Soo Jehová kúnda̱a̱-inira xa̱ʼa̱ ndiʼi tu̱ndóʼo ña̱ yáʼayó nu̱ú, ta chíndayáʼviníra ña̱ nda̱kúní íyo iniyó tá yáʼayó nu̱ú tu̱ndóʼo ta saátu tá kúndeé-iniyó tá xóʼvi̱yó, ta káʼa̱nra taxira ku̱a̱ʼání bendición ndaʼa̱yó chí nu̱únínu (Jer 29:11, 12). Saátu ta̱ Jesús ndíʼi̱ní-inira xa̱ʼa̱yó. Ta tá chíka̱a̱yó ndee̱ ña̱ keʼéyó ndiʼi chiñu ña̱ nda̱koora ndaʼa̱yó, ta̱yóʼo káʼa̱nra ña̱ koora xíʼinyó ndiʼi tiempo (Mt 28:20). Tá táváyó tiempo ña̱ ndakanixi̱níyó xa̱ʼa̱ ña̱ keʼé Reino Ndióxi̱ xa̱ʼa̱yó, saá kúú ña̱ kandíxakayó ña̱ káʼa̱n Ndióxi̱ keʼéra chí nu̱únínu ta ña̱yóʼo chindeétáʼan xíʼinyó ña̱ kundeé-iniyó ya̱ʼayó nu̱ú tu̱ndóʼo (Ro 8:19-21).

TÁNDI̱ʼI XI̱TONDÓ VIDEO ÑA̱ NANÍ TÁ NÁ KIXI TU̱NDÓʼO NU̱ÚYÓ, NÁ KǑO NANDÓSÓYÓ XA̱ʼA̱ ÑA̱ KE̱ʼÉ TA̱ CRISTO TA SAÁTU ÑA̱ KEʼÉRA CHÍ NU̱ÚNÍNU, NDAKUIINNDÓ PREGUNTA YÓʼO:

• ¿Ndáa ki̱ʼva ku̱xíká na̱ yiví nu̱ú Ndióxi̱ ta ndáaña ndóʼona?

• ¿Ndáaña ndátu na̱ nda̱kú íyo ini xíʼin Jehová ndakiʼinna chí nu̱únínu?

• ¿Nda̱chun va̱ʼa ndakiʼinyó ña̱ káʼa̱n Ndióxi̱ taxira ndaʼa̱yó chí nu̱únínu?

• Ña̱ káʼa̱n Ndióxi̱ taxira ndaʼa̱yó chí nu̱únínu, ¿ndáaña kúú mií ña̱ ndátukaún kuniún?