¿Á xa̱a̱ íyo tu̱ʼvaún tá ná kixaa̱ ña̱ Conmemoración?

Ña̱ so̱ndíʼi Pascua ña̱ keʼé ta̱ Jesús xíʼin na̱ apóstolra kundayáʼviníña. Ta tá xa̱a̱ ku̱nu̱mí kuvira xi̱kuni̱ra keʼéra ña̱ Pascua yóʼo xíʼin na̱ apóstolra ta saátu ka̱ʼa̱nra xíʼinna ña̱ ná ndakaʼánna xa̱ʼa̱ra, xa̱ʼa̱ ña̱kán ni̱ka̱ʼa̱nra xíʼin ta̱ Pedro ta saátu xíʼin ta̱ Juan ña̱ ná ku̱ʼu̱nna ta ndasaviína nu̱ú keʼéna ña̱ Pascua (Lu 22:7-13; koto na̱ʼná ña̱ va̱xi chí sa̱tá tutu yóʼo). Ña̱yóʼo sándakaʼánña miíyó ña̱ xíniñúʼu koo tu̱ʼvayó tá ná kixaa̱ ki̱vi̱ ña̱ koo Conmemoración, ña̱ koo 27 tí yo̱o̱ marzo. Na̱ congregación xa̱a̱ ya̱chi̱ka ná ndaka̱xinna ndáana taxi discurso, ndáa mií kooña, ndáana koo acomodador, ndáana taxi si̱táva̱ʼa xíʼin tá vino. Soo, ¿ndáaña xíniñúʼu keʼéyó ña̱ koo tu̱ʼvayó tá ná kixaa̱ ña̱ ki̱vi̱ yóʼo?

Xa̱a̱ ya̱chi̱ka ná kaʼvi kúeeyó. Ña̱ kivi chindeétáʼan xíʼinyó ña̱ ndakanixi̱níyó xa̱ʼa̱ ña̱ Conmemoración kúú ña̱ va̱xi nu̱ú ña̱ folleto Ndiʼi ki̱vi̱ ná kaʼviyó tu̱ʼun Ndióxi̱. Saátu kivi kundiku̱nyó ña̱ va̱xi nu̱ú táʼví 16 ña̱ va̱xi nu̱ú ña̱ folleto Ña̱ táxi yichi̱ nu̱úyó ña̱ va̱ʼa sakuaʼakayó xa̱ʼa Biblia. Ta kivitu kundiku̱nyó Tutu nu̱ú va̱xi ña̱ keʼéyó reunión ña̱ yo̱o̱ abril 2020. Ta tá kúni̱kayó kunda̱a̱-iniyó xa̱ʼa̱ ña̱ ni̱xi̱ʼi̱ ta̱ Jesús kivi kaʼviyó xíʼin na̱ veʼeyó ña̱ va̱xi nu̱ú ña̱ Índice de las publicaciones Watch Tower á ña̱ va̱xi nu̱ú ña̱ Guía de estudio para los testigos de Jehová.

Ná ka̱ʼa̱nyó xíʼin inkana ña̱ ku̱ʼu̱nna Conmemoración. Ná chika̱a̱níyo ndee̱ ña̱ xaxáyó invitación tá ná kixaa̱ campaña ña̱ Conmemoración. ¿Ndáa na̱ kivi ka̱ʼa̱nyó xíʼin ku̱ʼu̱n? Kivi ka̱ʼa̱nyó xíʼin na̱ yiví na̱ xáʼa̱nyó xítoyó á na̱ káʼviyó tu̱ʼun Ndióxi̱ xíʼin, ta saátu kivi ka̱ʼa̱nyó xíʼin na̱ veʼeyó á na̱ xíni̱ táʼanyó xíʼin. Ta na̱ anciano xíniñúʼu ka̱ʼa̱nna xíʼin na̱ inactivo ña̱ ná ku̱ʼu̱nna Conmemoración. Tá íyo iin na̱ yiví na̱ kúni̱ ku̱ʼu̱n ña̱ Conmemoración soo xíká íyona nu̱ú koo ña̱yóʼo, kivi nandukúyó iin lugar ña̱ yatinka kíndo̱o xíʼin hora ña̱ kooña, ta kivi nandukúyó ña̱yóʼo nu̱ú sitio jw.org. Kivi ki̱ʼviyó nu̱ú káʼa̱nña ÑA̱ KÁʼA̱N XA̱ʼA̱NDI̱ tasaá ki̱ʼviyó nu̱ú káʼa̱nña “Conmemoración”.

¿Ndáaka ña̱ xíniñúʼu keʼún ña̱ va̱ʼa koo tu̱ʼvaún tá ná kixaa̱ ña̱ Conmemoración?