Vií va̱ʼa ndaka̱xiún na̱ koo migoún

Ku̱a̱ʼání ña̱ kivi sákuaʼayó xíʼin ña̱ ndo̱ʼo na̱ ñuu Israel tá xi̱ndoona yosó ña̱ Moab (1Co 10:6, 8, 11). Na̱ ñuu Israel ki̱xáʼana kítáʼanna xíʼin ná ñaʼá ná ñuu Moab, ná xi̱kiʼvi ku̱a̱chi kini ta xi̱ndasakáʼnuná ndióxi̱ vatá. Náyóʼo sa̱ndáʼviná na̱yóʼo ta̱ ni̱xa̱a̱na ni̱ki̱ʼvina ku̱a̱chi ña̱ ndeéní. Ta xa̱ʼa̱ ña̱yóʼo ku̱a̱ʼání tu̱ndóʼo ki̱xi nu̱ú na̱ ñuu Israel (Nú 25:9). Nu̱ú káchíñuyó, escuela nu̱ú xáʼa̱nyó, yatin nu̱ú ndóoyó, íyo ku̱a̱ʼání na̱ yiví na̱ va̱ása sákuaʼa xa̱ʼa̱ Jehová ta nda̱a̱ sava na̱yóʼo kúúna na̱ veʼeyó. ¿Ndáa ña̱ sánáʼa̱ ña̱ relato yóʼo miíyó ña̱ kivi kundoʼoyó tá kítáʼanyó xíʼin na̱ yiví na̱ va̱ása ndásakáʼnu Jehová?

TÁNDI̱ʼI XI̱TONDÓ VIDEO ÑA̱ NANÍ ÑA̱ KU̱U TIEMPO XI̱NAʼÁ ÑA̱ KIVI CHINDEÉTÁʼAN XÍʼINYÓ TIEMPO VITIN (IIN TÁʼVÍ LOʼO), NDAKUIINNDÓ ÑA̱ PREGUNTA YÓʼO:

• 

  ¿Ndáa ña̱ va̱ása va̱ʼa kúú ña̱ ni̱ka̱ʼa̱n ta̱ Zimrí ta saátu inka na̱ ta̱a xíʼin ta̱ Jamín?

• 

  ¿Ndáa ki̱ʼva chi̱ndeétáʼan ta̱ Finehás xíʼin ta̱ Jamín?

• ¿Á iin kúú ña̱ va̱ʼa koo-iniyó xíʼin iin na̱ yiví na̱ va̱ása ndásakáʼnu Ndióxi̱ xíʼin ña̱ koona migoyó?

• ¿Nda̱chun nda̱a̱ ti̱xin congregación xíniñúʼu viíní ndaka̱xinyó na̱ koo migoyó?

• Tá ndíka̱a̱yó ti̱xin iin grupo nu̱ú chíndaʼána mensaje ndaʼa̱ táʼanna ta va̱ása xíni̱yó na̱ yiví na̱ ñúʼu ti̱xinña, ¿nda̱chun va̱ása xíniñúʼu kundika̱a̱yó xíʼin na̱yóʼo?