Su̱ví ndiʼi tiempoví koo tu̱ndóʼo nu̱úyó

Tá xa̱a̱ ku̱a̱ʼání tiempo ndíka̱a̱yó nda̱ʼa tu̱ndóʼo ndákavava-iniyó. Ta̱ David xi̱kunda̱a̱-inira ña̱ kixaa̱ iin ki̱vi̱ ña̱ ndiʼiva ku̱a̱chi ña̱ xi̱kuumiíra xíʼin ta̱ Saúl, tasaá xa̱a̱ra koora rey nda̱a̱ táki̱ʼva ni̱ka̱ʼa̱n Jehová xíʼinra (1Sa 16:13). Ta xa̱ʼa̱ ña̱ xi̱kandíxaníra Jehová kúee ni̱xi̱yo inira ta xi̱ndatura ña̱ ndasavií Jehová ku̱a̱chi ña̱ ni̱xi̱yo nu̱úra.

Tá yáʼayó nu̱ú tu̱ndóʼo, ndíchi ná kooyó ta viíní ná ndakanixi̱níyó ndáa ki̱ʼva ndasaviíyóña (1Sa 21:12-14; Pr 1:4). Soo sava tu̱ndóʼo ña̱ íyo nu̱úyó va̱ása ndíʼivíña ni chíka̱a̱níyó ndee̱ ña̱ ndasaviíyóña ta ndíku̱nyó ña̱ káʼa̱n tu̱ʼun Ndióxi̱. Ña̱kán kúee ná koo iniyó ta ná kundatuyó ña̱ ndasavií Jehová ña̱yóʼo. Si̱lóʼoníva kúma̱ní ta sandíʼi-xa̱ʼa̱ra ña̱ sáxo̱ʼvi̱ miíyó, ta ndaya̱kúnra ti̱kui̱í nu̱úyó (Ap 21:4). Sava yichi̱ mií Jehová kúú ta̱ sáku̱taʼa tu̱ndóʼo ña̱ íyo nu̱úyó á savatu ndíʼi miíña, soo ná ndakaʼányó ña̱ su̱ví ndiʼi tiempoví íyo tu̱ndóʼo nu̱úyó. Ña̱kán va̱ʼaní kúniyó tá kúnda̱a̱-iniyó xa̱ʼa̱ ña̱yóʼo.

TÁNDI̱ʼI XI̱TONDÓ VIDEO ÑA̱ NANÍ NA̱ ÑUU JEHOVÁ VA̱ʼANÍ KÍTÁʼANNA TI̱XIN ÑUYǏVÍ NU̱Ú KǑO KÚʼVI̱-INI NA̱ YIVÍ XÍNITÁʼANNA, NDAKUIINDÓ PREGUNTA YÓʼO:

• ¿Ndáa tu̱ndóʼo kúú ña̱ ni̱xi̱yo nu̱ú ku̱a̱ʼání na̱ hermano na̱ íyo chí sur ña̱ Estados Unidos?

• ¿Ndáa ki̱ʼva ni̱na̱ʼa̱na ña̱ kúee ni̱xi̱yo inina ta xi̱kuʼvi̱-inina xi̱xinitáʼanna?

• ¿Ndáaña kúú ña̱ xi̱ndayáʼvika nu̱ú na̱ hermano yóʼo? (Flp 1:10).