¿Á xa̱a̱ kíʼún kuenta ndáa ki̱ʼva ndákuiin Jehová tá káʼún xíʼinra?

Tu̱ʼun Ndióxi̱ nátúʼunña xíʼinyó xa̱ʼa̱ ku̱a̱ʼání na̱ nda̱kuiinra oración. Na̱ xi̱ndasakáʼnu Ndióxi̱ ki̱ʼinna kuenta ña̱ xi̱ndi̱ʼi̱ní-inira xa̱ʼa̱ iin tá iinna ta xi̱chindeétáʼanra xíʼinna, ta na̱yóʼo ni̱xa̱a̱na ka̱ndíxanínara. Ña̱kán, ndáyáʼviní káxi ka̱ʼa̱nyó xíʼin Jehová xa̱ʼa̱ ña̱ kúni̱yó, ta ná kiʼinníyó kuenta ndáa ki̱ʼva ndákuiinra oración ña̱ kéʼéyó nu̱úra. Ta saátu ná ndakaʼányó ña̱ su̱ví nda̱a̱ táki̱ʼva kúni̱ miíyó saá ndakuiin Jehová oración ña̱ kéʼéyó, chi sana nda̱a̱ ku̱a̱ʼákava ña̱ʼa taxira ndaʼa̱yó nu̱úka ña̱ ndu̱kúyó nu̱úra (2Co 12:7-9; Ef 3:20). Ná ka̱ʼa̱nyó xa̱ʼa̱ sava ki̱ʼva ña̱ ndákuiin Jehová oración ña̱ kéʼéyó.

• Chíndeétáʼanra xíʼinyó ña̱ viíka kutáʼanyó xíʼinra, táxira ndee̱ ndaʼa̱yó, ta ndásandakúra-iniyó ña̱ va̱ʼa ya̱ʼayó nu̱ú tu̱ndóʼo (Flp 4:13).

• Chíndeétáʼanra xíʼinyó ña̱ ndíchi kooyó ña̱ va̱ʼa ndaka̱xin viíyó ña̱ keʼéyó (Snt 1:5).

• Chíka̱a̱ra-iniyó keʼéyó ña̱ va̱ʼa ta táxira ndee̱ ndaʼa̱yó ña̱ va̱ʼa keʼéyóña (Flp 2:13).

• Sándi̱kora-iniyó tá ndíʼi̱-iniyó (Flp 4:6, 7).

• Xíniñúʼura inkana ña̱ va̱ʼa chika̱a̱na ndee̱ xíʼinyó ta taxina ña̱ xíniñúʼuyó (1Jn 3:17, 18).

• Chíndeétáʼanra xíʼin na̱ yiví na̱ káʼa̱nyó xa̱ʼa̱ xíʼinra (Hch 12:5, 11).

TÁNDI̱ʼI XI̱TONDÓ VIDEO ÑA̱ NANÍ JEHOVÁ KÚÚ TA̱ XÍNISO̱ʼO TÁ KÁʼA̱NYÓ XÍʼINRA, NDAKUIINNDÓ PREGUNTA YÓʼO:

• Ña̱ ndóʼo ta̱ hermano Shimizu, ¿ndáa ki̱ʼva chíka̱a̱ña ndee̱ xíʼin na̱ ndeéndóʼo?

• ¿Ndáa ki̱ʼva kundiku̱nyó yichi̱ ta̱ hermano Shimizu?