Ndióxi̱ kúni̱ra ña̱ ndiʼi tiempo ná kooyó xíʼin na̱ ti̱ndaʼa̱ xíʼinyó

Na̱ matrimonio na̱ va̱ʼaní kítáʼan, íxato̱ʼóna Jehová ta si̱íní ndóona (Mr 10:9). Ña̱kán na̱ kúa̱an xíniñúʼu kundiku̱nna ña̱ káʼa̱n tu̱ʼun Ndióxi̱ ña̱ vií ndaka̱xinna na̱ koo xíʼinna, tasaá si̱í koona xíʼin na̱ ti̱ndaʼa̱ xíʼinna ta va̱ása sandákoo táʼanna.

Na̱ kúa̱an xíniñúʼu kundatuna, nda̱a̱ ná ya̱ʼa ña̱ kúni̱nína ku̱su̱nna xíʼin iinna, tasaá kakana xíʼin iin na̱ kúni̱na tindaʼa̱na xíʼin, chi saá kúú ña̱ vií ndaka̱xinna ña̱ keʼéna (1Co 7:36). Tá iin na̱ kúa̱an kúún, kuniñúʼu tiempo yóʼo ña̱ viíka kutáʼún xíʼin Ndióxi̱, ta saátu sakuaʼún keʼún nda̱a̱ táki̱ʼva kúni̱ mií Ndióxi̱, chi ña̱yóʼo chindeétáʼanña xíʼún ña̱ viíní xa̱ún kutáʼún xíʼin na̱ tindaʼa̱ xíʼún.

Tá xa̱a̱ xíkaún xíʼin iinna, kiʼin va̱ʼa kuenta ndáa ki̱ʼva íyona (1Pe 3:4). Tá xíka-iniún xa̱ʼa̱ ña̱ kéʼéna, va̱ʼaka ka̱ʼa̱n xíʼinna xa̱ʼa̱ ña̱yóʼo chi ña̱ ndáyáʼvika ti̱xin matrimonio kúú ña̱ kundi̱ʼi̱-inina xa̱ʼa̱ na̱ ti̱ndaʼa̱ xíʼinna nu̱úka ña̱ kundi̱ʼi̱-inina xa̱ʼa̱ miína (Flp 2:3, 4). Tá nda̱a̱ vitin xa̱a̱ chíka̱ún ndee̱ ña̱ xíniso̱ʼún consejo ña̱ va̱xi nu̱ú tu̱ʼun Ndióxi̱, va̱ása ixaa yo̱ʼvi̱ña xíʼún kundiku̱n consejo tá xa̱a̱ ná tindaʼún, tasaá si̱íní koún xíʼin na̱ tindaʼa̱ xíʼún.

TÁNDI̱ʼI XI̱TONDÓ VIDEO ÑA̱ NANÍ ¿NDÁAÑA KEʼÚN ÑA̱ VA̱ʼA KOO TU̱ʼVAÚN TÁ KÚNI̱ÚN TINDAʼÚN? TÁʼVÍ 3: KIʼIN VA̱ʼA KUENTA XÍʼIN ÑA̱ KÉʼÚN, NDAKUIINNDÓ PREGUNTA YÓʼO:

• ¿Ndáa ki̱ʼva xi̱kitáʼan na̱ hermano yóʼo tá xa̱ʼa̱?

• ¿Ndáaña ki̱ʼin ñá hermana yóʼo kuenta xíʼin?

• ¿Ndáa ki̱ʼva chi̱ndeétáʼan na̱ yiváñá xíʼinñá, ta ndáaña nda̱kaxinñá ke̱ʼéñá?