Kundaa-ini Ndióxi̱ tá kúma̱ní ña̱ʼa nu̱ún

Xa̱ʼa̱ ña̱ ndóoyó ki̱vi̱ nu̱ú ndíʼi, ku̱a̱ʼání tu̱ndóʼo íyo nu̱úyó. Ta xa̱ʼa̱ ña̱ xa̱a̱ ku̱yatin ndiʼi-xa̱ʼa̱ ña̱ va̱ása va̱ʼa íyo nu̱ú ñuʼú yóʼo, ndeéníka koo tu̱ndóʼo nu̱úyó. Ta nda̱a̱ sana kuma̱ní ña̱ʼa ña̱ kuniñúʼuyó (Hab 3:16-18). ¿Ndáaña chindeétáʼan xíʼinyó tá kúma̱ní ña̱ʼa nu̱úyó? Ña̱ kandíxayó ña̱ mií Jehová Ndióxi̱yó kúú ta̱ chindeétáʼan xíʼinyó. Saáchi miíra káʼa̱n ña̱ kundaara na̱ migora ta nda̱a̱ ndáaka tu̱ndóʼo ná ya̱ʼana nu̱ú, taxira ña̱ xíniñúʼuna (Sl 37:18, 19; Heb 13:5, 6).

Ña̱ kivi keʼún

• Ka̱ʼa̱n ndáʼvi xíʼin Jehová ná kuniʼira yichi̱ nu̱ún, ta ná taxira ña̱ ndíchi ndaʼún ta chindeétáʼanra xíʼún (Sl 62:8).

• Chika̱a̱-ini keʼé chiñu ña̱ ta̱ʼán keʼún tá ya̱chi̱ (g-S 1/10 8, 9, recuadros).

• Kǒo sandákoún keʼún mií ña̱ ndáyáʼviní, tá kúú ña̱ kaʼviún tu̱ʼun Ndióxi̱ ndiʼi ki̱vi̱, ña̱ ku̱ʼún reunión xíʼin ña̱ natúʼún xíʼin na̱ yiví.

TÁNDI̱ʼI XI̱TONDÓ VIDEO ÑA̱ NANÍ NÁ CHINDEÉYÓ NA̱ VEʼEYÓ ÑA̱ NDAKÚ KOO ININA: NÁ KUSI̱Í-INIYÓ XÍʼIN ÑA̱ʼA ÑA̱ KÚÚMIÍYÓ, NDAKUIINNDÓ PREGUNTA YÓʼO:

• ¿Ndáa tu̱ndóʼo kúú ña̱ ni̱ya̱ʼa na̱ hermano yóʼo nu̱ú?

• ¿Ndáaña kúú ña̱ ndáyáʼvika?

• ¿Ndáa ki̱ʼva chindeétáʼanyó xíʼin na̱ kúma̱ní ña̱ʼa nu̱ú?