ÑA̱ KÉʼÉYÓ NA̱ TESTIGO

Vií kuniñúʼún libro ña̱ naní Kivi koo si̱íún vitin ta saátu chí nu̱únínu

Kútóoníyó video xíʼin pregunta ña̱ va̱xi nu̱ú libro ña̱ naní Kivi koo si̱íún vitin ta saátu chí nu̱únínu. Ta va̱ʼaní chíndeétáʼan recuadro ña̱ va̱xi nu̱ú ña̱yóʼo xíʼinyó, ña̱ naní “Ña̱ káʼa̱n sava na̱ yiví”, “Kivi keʼún ña̱yóʼo”, xíʼin ña̱ naní “Nandukúka xa̱ʼa̱ña”. Soo, ¿ndáa ki̱ʼva kuniñúʼukayó ña̱ va̱xi nu̱ú libro yóʼo tá káʼviyó xíʼin na̱ yiví? (Mateo 28:19, 20).

Libro ña̱ naní “Kivi koo si̱íún vitin ta saátu chí nu̱únínu” nda̱kuna̱ña nu̱ú JW Library. Na̱ʼná yóʼo náʼa̱ña nu̱ú va̱xi “Video, tutu xíʼin audio táʼví 1”.

Video, tutu xíʼin audio. Tá libro ña̱ tutu kúú ña̱ xíniñúʼún tá káʼviún xíʼin na̱ yiví. Íyova iin nu̱ú kivi ndani̱ʼún video, tutu xíʼin audio ña̱ kuniñúʼún tá káʼviún xíʼinna. Kivi nandukún ña̱ libro yóʼo nu̱ú celular á tableta ña̱ kúúmiíún, ta yóʼo kúú nu̱ú kivi ndani̱ʼún ku̱mí táʼví ña̱ libro yóʼo. Ta nu̱ú ndíʼi iin tá iin táʼví yóʼo, kivi ndani̱ʼún nu̱ú káʼa̱nña “Video, tutu xíʼin audio”, ta nu̱ú ña̱yóʼo kivi ndani̱ʼún enlace ña̱ kivi chindeétáʼan xíʼún ña̱ va̱ʼa ndani̱ʼún ndiʼi video xíʼin lección ña̱ xi̱niún nu̱ú táʼví yóʼo (na̱ʼná 1).

“Edición impresa”. Tá xíniñúʼún celular á tableta ña̱ va̱ʼa kaʼviún xíʼin na̱ yiví, soo kúni̱ún kotoún ndáa ki̱ʼva káa libro yóʼo ña̱ tutu, iin ña̱ chindeétáʼan xíʼún ña̱ kotoún ndáa ki̱ʼva káa ña̱yóʼo kúú nu̱ú káʼa̱nña “Edición impresa”. Tá xa̱a̱ ndíka̱ún nu̱ú iin lección yóʼo, kivi ki̱ʼviún nu̱ú va̱xi u̱ni̱ punto válí ña̱ va̱xi chí ni̱nú, ta ndaka̱xin nu̱ú káʼa̱nña “Edición impresa”. Ña̱yóʼo chindeétáʼanña xíʼún ña̱ kotoún ndáa ki̱ʼva káa lección ña̱ káʼvindó. Ta ña̱ va̱ʼa kitaún yóʼo ki̱ʼvi tuku nu̱ú va̱xi u̱ni̱ punto ta ndaka̱xin nu̱ú káʼa̱nña “Edición digital”, á kivitu kuniñúʼún círculo ña̱ color ndíʼi á morado ña̱ va̱xi chí xa̱ʼa̱ ña̱ va̱ʼa kitaún.

Libro ña̱ naní “Kivi koo si̱íún vitin ta saátu chí nu̱únínu” nda̱kuna̱ña nu̱ú JW Library. Na̱ʼná yóʼo náʼa̱ña nu̱ú va̱xi ña̱ naní “¿Á xa̱a̱ íyo tu̱ʼvai̱?” xíʼin “Nota”.

“¿Á xa̱a̱ íyo tu̱ʼvai̱?”. Ña̱ recuadro yóʼo va̱xiña nu̱ú ndíʼi ña̱ táʼví 4. Ta nu̱ú ña̱yóʼo káʼa̱nña xíʼinna ndáaña xíniñúʼu keʼéna ña̱ va̱ʼa keena natúʼunna xa̱ʼa̱ Ndióxi̱, ta saátu ndáaña xíniñúʼu keʼéna ña̱ va̱ʼa ndakuchina (na̱ʼná 2).

Nota. Ña̱yóʼo va̱xiña nu̱ú ndíʼi táʼví 4 ta ndákanikaña xa̱ʼa̱ ña̱ sákuaʼayó. Tá celular á tableta kúú ña̱ xíniñúʼún ña̱ nandukún ña̱ nota yóʼo, nda̱a̱ nu̱ú ndíʼi ña̱yóʼo va̱xi iin enlace ña̱ chindeétáʼan xíʼún ña̱ va̱ʼa ndikoún nu̱ú lección ña̱ xa̱a̱ ndíka̱ún (na̱ʼná 2).

Tá va̱ʼaní chíka̱a̱ na̱ káʼviún xíʼin ndee̱ ña̱ sakúaʼana xa̱ʼa̱ Ndióxi̱, kivi sandíʼún kaʼviún iníísaá ña̱ libro ña̱ naní Kivi koo si̱íún vitin ta saátu chí nu̱únínu xíʼinna. Ta ni xa̱a̱ nda̱kuchina, ndakundeé kaʼviún libro yóʼo xíʼinna nda̱a̱ ná sandíʼinaña. Kivi ndataxiún hora ña̱ káʼviún xíʼinna chi kúúkavana revisitaún xíʼin estudioún. Ta tá chíndeétáʼan iin na̱ publicador xíʼún ña̱ kaʼviún xíʼinna, saátu kivi ndataxi na̱yóʼo horana.