ÑA̱ KÉʼÉYÓ NA̱ TESTIGO
¿Ndáaña xíniñúʼu keʼéyó ña̱ va̱ʼa kandíxakayó ña̱ va̱xi nu̱ú Biblia?
Biblia kivi chindeétáʼanña xíʼinyó ña̱ nasamayó ki̱ʼva ña̱ íyoyó (Heb 4:12). Soo va̱ása kivi chindeétáʼan consejo xíʼin ley ña̱ va̱xi nu̱úña xíʼinyó tá va̱ása kándíxayó ña̱ “tu̱ʼun Ndióxi̱” kúúña (1Te 2:13). ¿Ndáaña xíniñúʼu keʼéyó ña̱ kandíxakayó ña̱ va̱xi nu̱ú Biblia?
Ndiʼi ki̱vi̱ ná kaʼviyó ña̱ va̱xi nu̱úña. Tá káʼviyóña viíní ná nandukúyó xa̱ʼa̱ña chi ña̱yóʼo chindeétáʼan xíʼinyó kunda̱a̱-iniyó ña̱ tu̱ʼun mií Jehová kúúña. Tá kúú, libro ña̱ Proverbios va̱ʼaní consejo va̱xi nu̱úña ta ndiʼi tiempo va̱ʼaní chíndeétáʼanña xíʼinyó (Pr 13:20; 14:30).
Ná kixáʼayó kaʼviyó xa̱ʼa̱ña. Xíniñúʼu kunda̱a̱ káxi-iniyó ña̱ tu̱ʼun mií Jehová kúú ña̱ va̱xi nu̱úña. Ta ña̱ chindeétáʼan xíʼinyó kunda̱a̱-iniyó xa̱ʼa̱ ña̱yóʼo kúú ña̱ va̱xi nu̱ú Guía de estudio para los testigos de Jehová, kivi ki̱ʼviyó nu̱ú káʼa̱nña “La Biblia”, ta tándi̱ʼi ná ki̱ʼviyó nu̱ú káʼa̱nña “Inspirada por Dios”. Inka ña̱ chindeétáʼan xíʼinyó ña̱ kandíxayó ña̱ va̱ása nása̱ma ña̱ va̱xi nu̱ú Biblia kúú ña̱ kaʼviyó ña̱ va̱xi nu̱ú ña̱ apéndice A3 ña̱ va̱xi nu̱ú Traducción del Nuevo Mundo, tu̱ʼun sáʼán.
TÁNDI̱ʼI XI̱TONDÓ VIDEO ÑA̱ NANÍ NDA̱CHUN KÁNDÍXAYÓ... TU̱ʼUN NDIÓXI̱, NDAKUIINNDÓ PREGUNTA YÓʼO:
¿Ndáaña ni̱ka̱ʼyi̱ sa̱tá nama̱ ña̱ templo Karnak (Egipto), ña̱ náʼa̱ ña̱ nda̱a̱ kúú ña̱ káʼa̱n tu̱ʼun Ndióxi̱?
¿Ndáaña náʼa̱ nu̱úyó ña̱ va̱ása nása̱ma ña̱ va̱xi nu̱ú Biblia?
¿Ndáaña sákuaʼayó xa̱ʼa̱ ña̱ kǒo nda̱a̱ ni iin na̱ níkuchiñu sándiʼi-xa̱ʼa̱ Biblia? (Kaʼvi Isaías 40:8).