ÑA̱ KÁʼA̱N BIBLIA XA̱ʼA̱

Ndiʼi tiempo kundaa-inindó Jehová

Ta̱ Asá xi̱ndaa-inira Jehová ña̱ chindeétáʼanra xíʼinra ña̱ kanitáʼanra xíʼin ku̱a̱ʼání na̱ soldado (2Cr 14:9-12; w21.03 5 párr. 12).

Tá ni̱ya̱ʼa loʼo, ta̱ Asá ni̱xa̱ʼa̱nra ni̱ka̱ʼa̱nra xíʼin na̱ ñuu Siria ña̱ ná chindeétáʼanna xíʼinra ña̱ kanitáʼanra xíʼin loʼo kuití na̱ soldado (2Cr 16:1-3; w21.03 5 párr. 13).

Jehová ni̱sa̱a̱níra xíʼin ta̱ Asá xa̱ʼa̱ ña̱ sa̱ndákoora ña̱ kundaa-inirara (2Cr 16:7-9).

Nu̱ú va̱xi ku̱a̱ʼá na̱ʼná: 1. Iin ta̱ loʼo ndákuchira. 2. Suvi mií ta̱ loʼo yóʼo ndáka̱xinra ña̱ ktora nu̱ú tele.

Káʼa̱nvayó xíʼin Jehová ña̱ ná chindeétáʼanra xíʼinyó tá xíniñúʼu ndaka̱xinyó keʼéyó iin ña̱ ndáyáʼviní. ¿Soo ndáaña kéʼéyó tá ndáka̱xinyó inkaka ña̱ keʼéyó? Xíniñúʼu kundaa-iniyó Jehová ndiʼi tiempo (Pr 3:5, 6; w21.03 6 párr. 14).