ÑA̱ KÉʼÉYÓ NA̱ TESTIGO
Jehová chíndeétáʼanra xíʼin na̱ ndákava-ini
Su̱ví ku̱a̱chiví kúú ña̱ kusuchí-iniyó. Ta tá kúsuchí-iniyó, kǒo kúni̱ kachiña ña̱ va̱ása viíka kítáʼanyó xíʼin Ndióxi̱. Nda̱a̱ Jehová kúsuchí-inira sava yichi̱ (Gé 6:5, 6). Soo, ¿ndáaña kivi keʼéyó tá ndiʼi tiempo kúsuchí-iniyó?
Ka̱ʼa̱n xíʼin Jehová ña̱ chindeétáʼanra xíʼún. Ta̱yóʼo kǒo kúni̱ra ña̱ ná kiʼin kue̱ʼe̱ miíyó. Kúnda̱a̱va-inira tá kúsi̱í-iniyó á tá kúsuchí-iniyó. Ta saátu kúnda̱a̱-inira ndáaña ndóʼoyó á ndáaña ndákanixi̱níyó (Sl 7:9b). Mií Jehová kivi chindeétáʼan xíʼinyó tá kúsuchí-iniyó á tá ndákava-iniyó, saáchi ndíʼi̱-inira xa̱ʼa̱yó (Sl 34:18).
Kundaa ña̱ ndákanixi̱níún. Tá ndiʼi tiempo ndákava-iniyó ña̱yóʼo kivi sakúsuchíña-iniyó ta va̱ása kusi̱íka-iniyó, ta nda̱a̱ kivi kuxíkáyó nu̱ú Jehová. Ña̱kán, ndáyáʼviní kiʼinyó kuenta xíʼin ki̱ʼva ña̱ ndákanixi̱níyó xíʼin ña̱ ndóʼoyó (Pr 4:23).
TÁNDI̱ʼI XI̱TONDÓ VIDEO NA̱ HERMANOYÓ KǑO NDÍʼI-ININA NI NDÓʼONA KUE̱ʼE̱ ÑA̱ NANÍ DEPRESIÓN, NDAKUIINNDÓ PREGUNTA YÓʼO:
¿Ndáaña ke̱ʼé ñá Nikki xa̱ʼa̱ ña̱ xi̱kuumiíñá kue̱ʼe̱ depresión?
¿Ama ki̱ʼin ñá Nikki kuenta ña̱ xi̱niñúʼu ku̱ʼu̱nñá nu̱ú na̱ doctor? (Mt 9:12).
¿Ndáaña ke̱ʼé ñá Nikki ña̱ va̱ʼa kundaa-iniñá Jehová?