19-25 TÍ FEBRERO
SALMOS 8-10
Yaa 2 xí’in oración | Ña̱ ka̱ʼa̱nna tá ná kixáʼa reunión (1 min.)
1. “Ndasakáʼnui̱ yóʼó Jehová”
(10 min.)
Va̱’aní-ini Jehová xí’inyó (Sl 8:3-6; w21.08 3 párr. 6).
Kúsi̱íní-iniyó ña̱ ndásakáʼnuyó Jehová, ña̱kán nátúʼunyó xíʼin na̱ yiví xa̱ʼa̱ ndiʼi ña̱ livi ke̱ʼéra (Sl 9:1; w20.05 23 párr. 10).
Ta saátu ndásakáʼnuyóra tá xítayó nu̱úra xíʼin ndiʼi níma̱yó (Sl 9:2; w22.04 7 párr. 13).
NDAKANIXI̱NÍ XA̱ʼA̱ ÑA̱YÓʼO: “¿Ndáa inka ña̱ʼa kivi keʼíi̱ ña̱ va̱ʼa ndasakáʼnui̱ Jehová?”.
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Sl 8:3. ¿Ndáaña xi̱kuni̱ kachi ta̱ ka̱ʼyí ña̱ salmo tá ni̱ka̱ʼa̱nra xa̱ʼa̱ nduku ndaʼa̱ Ndióxi̱? (it-1-S 649).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yó’o?
3. Ña̱ kaʼviyó nu̱ú tu̱ʼun Ndióxi̱
(4 min.) Lu 2:1-20 (th lección 11).
4. Kixáʼa natúʼun xíʼin na̱ yiví
(3 min.) TÁ KU̱A̱ʼÚN VEʼE TÁ VEʼE. Káʼa̱nna xíʼún ña̱ kǒo kándíxana ña̱ íyo Ndióxi̱ (lmd lección 5 punto 4).
5. Ndikó nu̱úna
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ni xa̱a̱ ni̱ka̱ʼa̱nna xíʼún ña̱ kǒo kándíxana ña̱ íyo Ndióxi̱, soo kúni̱vana ña̱ ná ka̱ʼún xíʼinna ndáa prueba kúú ña̱ náʼa̱ ña̱ íyora (th lección 7).
6. Discurso
(5 min.) w21.06 6, 7 párr. 15-18. Ña̱ naní: Chindeétáʼan xíʼin na̱ káʼviún xíʼin ña̱ ndasakáʼnuna Jehová (th lección 10).
Yaa 10
7. ¿Ndáa ki̱ʼva natúʼún xa̱ʼa̱ Ndióxi̱?
(10 min.): Ka̱ʼa̱n ta ná ka̱ʼa̱nna.
Kivi ndasakáʼnuyó Jehová tá ná natúʼunyó xíʼin ndiʼi na̱ yiví xa̱ʼa̱ra (Sl 35:28). Sana yíʼvivayó ka̱ʼa̱nyó xíʼinna, soo tá ná sakúaʼayó ndáa ki̱ʼva kixáʼayó natúʼunyó xíʼinna saá kǒo yi̱ʼvíkayó. Ta, tá ná ya̱ʼa tiempo nda̱a̱ kusi̱í-iniyó natúʼunyó xíʼinna.
Chikaa̱ VIDEO Natúʼún “xa̱ʼa̱ tu̱ʼun va̱ʼa xíʼin na̱ yiví ña̱ va̱ʼa xa̱a̱na kutáʼanna xíʼin Ndióxi̱”. Siʼnaka miíún kixáʼa ka̱ʼa̱n xíʼinna. Tándi̱ʼi keʼé pregunta ña̱ va̱xi yóʼo:
¿Ndáaña sa̱kúaʼún nu̱ú video yóʼo ña̱ kivi chindeétáʼan xíʼún tá xa̱a̱ kúni̱ún natúʼún xíʼin na̱ yiví xa̱ʼa̱ Ndióxi̱?
Ña̱yóʼo kúú sava ña̱ kivi chindeétáʼan xíʼún tá xa̱a̱ kúni̱ún natúʼún xíʼin na̱ yiví:
Kiʼin kuenta ndáana kivi natúʼún xíʼin xa̱ʼa̱ Jehová lugar nu̱ú xíkaún. Ta ka̱ʼa̱n xíʼinra ná chindeétáʼanra xíʼún ña̱ ndani̱ʼún na̱ yiví na̱ kúni̱ sakúaʼa xa̱ʼa̱ra.
Si̱í ka̱ʼún xíʼin na̱ yiví ta na̱ʼa̱ nu̱úna ña̱ ndíʼi̱-iniún xa̱ʼa̱na. Kiʼin kuenta ndáa ña̱ʼa kúú ña̱ kútóona, ta kuniñúʼuña ña̱ natúʼún xíʼinna xa̱ʼa̱ Ndióxi̱.
Tá kivi taxi número telefonoún ndaʼa̱na ta saátu ná taxina númerona ndaʼún.
Kǒo ndakava-iniún tá kǒo níkivi ka̱ʼún xíʼinna xa̱ʼa̱ Ndióxi̱.
Kǒo nandóso-iniún xa̱ʼa̱ na̱ na̱túʼún xíʼin, tá kivi chindaʼá iin enlace nu̱úna, nu̱ú kivi kotona Biblia á iin artículo ña̱ va̱xi nu̱ú sitio jw.org.
Keʼé ña̱yóʼo: Tá iin na̱ yiví ndáka̱tu̱ʼunna yóʼó ndáaña ke̱ʼún, kivi ka̱ʼún xíʼinna xa̱ʼa̱ ña̱ sa̱kúaʼún reunión á saátu kivi ka̱ʼún xíʼinna ndáaña kéʼún tá sánáʼún na̱ yiví xa̱ʼa̱ Ndióxi̱.
8. Ña̱ xíniñúʼu na̱ congregación
(5 min.)
9. Estudio ña̱ congregación
(30 min.) bt cap. 6 párr. 1-8 xíʼin nu̱ú kíxáʼa táʼví 2.