27 TÍ MAYO NDA̱A̱ 2 TÍ JUNIO
SALMOS 42-44
Yaa 86 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Viíní kuniñú’ún ndi’i ña̱ sánáʼa̱ Jehová yóʼó
(10 min.)
Chikaa̱ ndee̱ ña̱ kutáʼún xíʼin na̱ hermano ña̱ va̱ʼa ndasakáʼnundó Jehová ta sakúaʼanndó xa̱ʼa̱ra (Sl 42:4, 5; w06-S 1/6 9 párr. 4).
Siʼnaka xíʼin Jehová ná ka̱ʼa̱nyó tá kúma̱níka kaʼviyó Biblia (Sl 42:8; w12-S 15/1 15 párr. 2).
Ná chika̱a̱yó ndee̱ ña̱ keʼéyó ndiʼi ña̱ sákuaʼayó nu̱ú tu̱ʼun Ndióxi̱ (Sl 43:3).
Ndiʼi ña̱ sánáʼa̱ Jehová miíyó nu̱ú tu̱ʼunra chíndeétáʼanña xíʼinyó ña̱ kundeé-iniyó nu̱ú tu̱ndóʼo ña̱ va̱xi nu̱úyó tasaá saxínuyó ña̱ ki̱ndooyó kachíñuyó nu̱úra ndiʼi tiempo (1Pe 5:10; w16.09-S 5 párrs. 11, 12).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Sl 42:10, 11. ¿Nda̱chun kivi kandíxayó ña̱ chindeétáʼan Jehová xíʼinyó tá ká’a̱nna á kéʼéna iin ña̱ va̱ása va̱ʼa xíʼinyó? (ijwbq-S 179 párr. 2, 3).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Jn 8:31-47 (th lección 11).
4. Kixáʼa natúʼun xíʼin na̱ yiví
(4 min.) TÁ KU̱A̱ʼÚN VEʼE TÁ VEʼE. Tándi̱ʼi ka̱ʼa̱n xíʼinna ña̱ kúni̱ún sanáʼúnna xa̱ʼa̱ Ndióxi̱ (lmd lección 5 punto 5).
5. Ndikó nu̱úna
(5 min.) TÁ KU̱A̱ʼÚN VEʼE TÁ VEʼE. Ka̱ʼa̱n xíʼin na̱ yiví ña̱ ná ku̱ʼu̱nna kuniso̱ʼona discurso ña̱ koo inka semana. Ta na̱ʼa̱ video ña̱ naní ¿Ndáaña kéʼé na̱ testigo Jehová nu̱ú ndátakana?, soo va̱ása chika̱únña (lmd lección 7 punto 5).
6. Discurso
(3 min.) lmd apéndice 1 punto 4. Ña̱ naní: ¿Á xa̱a̱ xíni̱ún ña̱ kǒoka kue̱ʼe̱ kuumiíyó? (th lección 2).
Yaa 21
7. Vií ndaka̱xiún ndáa ña̱ kaʼviún xíʼin ña̱ kachíñún
(15 min.): Ka̱ʼa̱n ta ná ka̱ʼa̱nna.
Na̱ va̱lí, ¿á xa̱a̱ ndákanixi̱níndó ndáaña keʼéndó tá xa̱a̱ ná sandíʼindó kaʼvindó? Sana ndákanixi̱níndó ndáa chiñu kúú ña̱ kivi keʼéndó ña̱ va̱ʼa koondó precursor. Á sanatu ndákanixi̱níndó ña̱ kúni̱kandó kaʼvindó chi saá kúú ña̱ kivi sakúaʼandó iin chiñu ña̱ kivi chindeétáʼan xíʼinndó. Ña̱kán ndáyáʼviní ña̱ vií ndaka̱xinndó ndáaña keʼéndó. Soo, ¿á sava yichi̱ yíʼvindó ta ndákanixi̱níndó ndáaña keʼéndó? ¿á sanatu ndíʼi-inindó xa̱ʼa̱ ña̱ káʼa̱n inkana xíʼinndó keʼéndó? ¿Ndáaña chindeétáʼan xíʼinndó ña̱ vií koo ña̱ ndaka̱xindó keʼéndó?
Kaʼvi Mateo 6:32, 33. Tándi̱ʼi keʼé pregunta ña̱ va̱xi yóʼo:
¿Nda̱chun ndáyáʼviní ña̱ xa̱a̱ ya̱chi̱ka ndakanixi̱níún ndáa chiñu keʼún nu̱ú Ndióxi̱ tá kúma̱níka ndaka̱xiún ndáaña kaʼviún xíʼin ña̱ kachíñún?
¿Ndáa ki̱ʼva chindeétáʼan na̱ íyo se̱ʼe xíʼin na̱ va̱lí se̱ʼena ña̱ keʼéna ña̱ káʼa̱n Mateo 6:32, 33? (Sl 78:4-7).
Ku̱a̱ʼání na̱ yiví kútóona kuumiína ku̱a̱ʼání xu̱ʼún á ña̱ ka̱ʼa̱n va̱ʼa na̱ yiví xa̱ʼa̱na, soo kǒo ndakanixi̱níún táki̱ʼva ndákanixi̱nína (1Jn 2:15, 17). Ixayo̱ʼvi̱níña xíʼún ña̱ kandíxaún Reino Ndióxi̱ tá ná kuni̱ún koo ku̱a̱ʼá ña̱ʼún (Lu 18:24-27). Tá ná kuni̱ún koo ku̱a̱ʼání xu̱ʼún, ña̱yóʼo ixayo̱ʼvi̱ña xíʼún ña̱ sakúaʼún xa̱ʼa̱ Ndióxi̱ ta vií kutáʼún xíʼinra (Mt 6:24; Mr 8:36).
Chikaa̱ VIDEO Kuenta koún, va̱ása kandíxaún ña̱ʼa ña̱ ndiʼi-xa̱ʼa̱: Ña̱ ku̱i̱ká. Tándi̱ʼi keʼé pregunta ña̱ va̱xi yóʼo:
¿Ndáa ki̱ʼva chindeétáʼan Proverbios 23:4, 5 xíʼún ña̱ vií koo ña̱ ndaka̱xiún keʼún?
8. Estudio ña̱ congregación
(30 min.) bt cap. 10 párr. 5-12.