2-8 TÍ SEPTIEMBRE
SALMOS 79-81
Yaa 29 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Na̱ʼa̱ xíʼin ña̱ kéʼún ña̱ kúʼvi̱-iniún xíniún ki̱vi̱ Jehová
(10 min.)
Kǒo keʼékaún ña̱ʼa ña̱ kúndasí Jehová xínira (Sl 79:9; w17.02-S 9 párr. 5).
Ka̱ʼa̱nndó xa̱ʼa̱ ki̱vi̱ Jehová (Sl 80:18; ijwbv-S 3 párrs. 4, 5).
Ku̱a̱ʼání ña̱ va̱ʼa taxi Jehová ndaʼa̱ na̱ xíniso̱ʼo ña̱ káʼa̱nra saáchi ndáyáʼviní ki̱vi̱ra nu̱úna (Sl 81:13, 16).
Xíniñúʼu ka̱ʼa̱nyó ña̱ kúúyó testigo Jehová ña̱ va̱ʼa ka̱ʼa̱n va̱ʼa na̱ yiví xa̱ʼa̱ ki̱vi̱ Jehová.
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Sl 80:1. ¿Nda̱chun sava yichi̱ xíniñúʼuna ki̱vi̱ ta̱ José tá káʼa̱nna xa̱ʼa̱ ndiʼi na̱ tribu na̱ ñuu Israel? (it-2-S 127 párrs. 5, 6).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Hch 19:1-20 (th lección 10).
4. Kixáʼa natúʼun xíʼin na̱ yiví
(1 min.) TÁ KU̱A̱ʼÚN VEʼE TÁ VEʼE. Ka̱ʼa̱n xíʼinna ña̱ kúni̱ún sanáʼúnna xa̱ʼa̱ Ndióxi̱ (lmd lección 4 punto 4).
5. Kixáʼa natúʼun xíʼin na̱ yiví
(3 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ka̱ʼa̱n xíʼinna ña̱ kúni̱ún sanáʼúnna xa̱ʼa̱ Ndióxi̱ (lmd lección 4 punto 3).
6. Kixáʼa natúʼun xíʼin na̱ yiví
(2 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Ka̱ʼa̱n xíʼinna ña̱ kúni̱ún sanáʼúnna xa̱ʼa̱ Ndióxi̱ (lmd lección 3 punto 3).
7. Ndikó nu̱úna
(5 min.) TÁ KU̱A̱ʼÚN VEʼE TÁ VEʼE. Ka̱ʼa̱n xíʼin iin na̱ yiví na̱ kǒo níxiin kaʼvi xa̱ʼa̱ Ndióxi̱ tá ya̱chi̱ ña̱ kúni̱ún sanáʼúnna (lmd lección 8 punto 3).
Yaa 10
8. “Ndasayi̱i̱na ki̱vii̱”
(15 min.): Ka̱ʼa̱n ta ná ka̱ʼa̱nna.
Chí nu̱ú jardín ña̱ Edén ta̱ Ndi̱va̱ʼa ni̱ka̱ʼa̱nra ña̱ vatá xa̱ʼa̱ Jehová, ña̱kán xíniñúʼu nduyi̱i̱ ki̱vi̱ Jehová chi xa̱a̱ ku̱a̱ʼání tiempo ku̱yaku̱a̱ña. Miíyó na̱ yiví xíʼin na̱ ángel xíniñúʼu ndaka̱xinyó á ndasayi̱i̱yó ki̱vi̱ Jehová á va̱ása.
Xa̱a̱ ku̱a̱ʼání ña̱ vatá káʼa̱n ta̱ Ndi̱va̱ʼa xa̱ʼa̱ Jehová. Tá kúú, káʼa̱nra ña̱ va̱ása va̱ʼa xáʼndachíñu Jehová ta va̱ása kúʼvi̱-inira xínira na̱ yiví (Gé 3:1-6; Job 4:18, 19). Ta saátu káʼa̱nra ña̱ na̱ ndásakáʼnu Jehová kǒo kúʼvi̱-inina xíninara (Job 2:4, 5). Ta xa̱a̱ ku̱a̱ʼání na̱ yiví sándaʼvira ña̱kán kǒo kándíxana ña̱ mií Jehová kúú ta̱ i̱xava̱ʼa ndiʼi ña̱ʼa ña̱ xítoyó (Ro 1:20, 21).
¿Ndáaña ndóʼún tá xíniso̱ʼún ña̱ vatá ña̱ káʼa̱n ta̱ Ndi̱va̱ʼa xa̱ʼa̱ Jehová? Sana sáa̱nívaún ta kúni̱níún ndakiʼún tu̱ʼunra. Jehová kúnda̱a̱-inira ña̱ ndakiʼinnvayó tu̱ʼunra ta ndasayi̱i̱yóña (koto ña̱ káʼa̱n Isaías 29:23). ¿Ndáaña kivi keʼún ña̱ va̱ʼa ndasayi̱i̱ún ki̱vi̱ Jehová?
Chindeétáʼan xíʼin inkana ña̱ ná kunda̱a̱-inina xa̱ʼa̱ Jehová ta kuʼvi̱-inina kuninara (Jn 17:25, 26). Koo tu̱ʼvaún ña̱ na̱ʼún nu̱ú inkana ña̱ ndixava kúú ña̱ íyo Jehová ta saátu ka̱ʼún xíʼinna xa̱ʼa̱ ndiʼi ña̱ va̱ʼa ña̱ kúúmiíra (Is 63:7).
Xíʼin ndiʼi níma̱ún kuʼvi̱-iniún kuniún Jehová (Mt 22:37, 38). Xa̱ʼa̱ ña̱ kúni̱yó sakúsi̱íyó-ini Jehová kúú ña̱ xíniso̱ʼoyó ña̱ káʼa̱nra ta su̱ví xa̱ʼa̱ ña̱ kúni̱ kuitíyó ndakiʼinyó ña̱ va̱ʼa kúúña (Pr 27:11).
Chikaa̱ VIDEO Ña̱ kúʼvi̱-iniyó va̱ása ndiʼi-xa̱ʼa̱ña ni kǒo íxato̱ʼóna Ndióxi̱, escuela nu̱ú káʼviún. Tándi̱ʼi keʼé pregunta ña̱ va̱xi yóʼo:
¿Ndáa ki̱ʼva nda̱kiʼin ñá Ariel xíʼin ta̱ Diego tu̱ʼun Jehová?
¿Nda̱chun xi̱kuni̱na ndakiʼinna tu̱ʼun Jehová?
¿Ndáa ki̱ʼva kundiku̱nyó yichi̱ na̱ va̱lí yóʼo?
9. Estudio ña̱ congregación
(30 min.) bt cap. 15 párr. 1-7 xíʼin nu̱ú kíxáʼa táʼví 6.