23-29 TÍ SEPTIEMBRE

SALMOS 88, 89

Yaa 22 xíʼin oración | Ña̱ ka̱ʼa̱nna tá ná kixáʼa reunión (1 min.)

ÑA̱ NDÁYÁʼVINÍ KÁʼA̱N TU̱ʼUN NDIÓXI̱

1. Iinlá Jehová kúú ta̱ va̱ʼaní xáʼndachíñu

(10 min.)

Nda̱kúní xáʼndachíñu Jehová (Sl 89:14; w17.06-S 28 párr. 5).

Iinlá ki̱ʼva ña̱ xáʼndachíñu Jehová kúú ña̱ sákusi̱í-ini miíyó na̱ yiví (Sl 89:15, 16; w17.06-S 29 párrs. 10, 11).

Ndiʼi tiempo koo reino Ndióxi̱ (Sl 89:34-37; w14-S 15/10 10 párr. 14).

Iin ta̱ hermano ndákanixi̱níra ña̱ va̱ʼaníva xáʼndachíñu Jehová, soo na̱ yiví kǒo xíni̱na kaʼndachíñuna: 1. Na̱ yiví káʼa̱n kúáchina xa̱ʼa̱ na̱ xáʼndachíñu. 2. Kúsi̱iní-ini na̱ hermano tá xínitáʼanna ti̱xin reunión. — Ña̱ va̱ʼa kǒo ki̱ʼviyó xíʼin ña̱ política, ná ndakaʼányó chi inlá mií Jehová kúú ta̱ va̱ʼaní xáʼndachíñu.

2. Ná ka̱ʼa̱nyó xa̱ʼa̱ ña̱ chindeétáʼan xíʼinyó

(10 min.)

Sl 89:37. ¿Ndáaña kúni̱ kachi ña̱ nda̱kú koo iniyó á ña̱ kundaa-ini inkana miíyó? (cl-S 281 párrs. 4, 5).

Ña̱ ndakuiún
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?

Ña̱ ndakuiún

3. Ña̱ kaʼviyó nu̱ú tu̱ʼun Ndióxi̱

(4 min.) Hch 25:1-12 (th lección 11).

NÁ SANÁʼA̱ VIÍYÓ

4. Kixáʼa natúʼun xíʼin na̱ yiví

(3 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Ka̱ʼa̱n xíʼin iin na̱ yiví na̱ kǒo xáʼa̱n veʼe-ñu̱ʼu ña̱ kúni̱ún sanáʼúnna xa̱ʼa̱ Ndióxi̱ (lmd lección 5 punto 5).

5. Ndikó nu̱úna

(4 min.) TÁ KU̱A̱ʼÚN VEʼE TÁ VEʼE. Nda̱ka̱tu̱ʼunna á kivi ka̱ʼún xíʼinna ndáa ki̱ʼva káʼviyó xíʼin na̱ yiví xa̱ʼa̱ Ndióxi̱ (th lección 9).

6. Ndakani xa̱ʼa̱ ña̱ kándíxaún

(5 min.) Discurso. ijwbq-S 181. Ña̱ naní: ¿Ndáaña káʼa̱n Biblia xa̱ʼa̱? (th lección 2).

ÑA̱ KÉʼÉYÓ NA̱ TESTIGO JEHOVÁ

Yaa 94

7. Ndiʼi ña̱ káʼa̱n Jehová xíʼinyó va̱ʼaní chíndeétáʼanña xíʼinyó

(10 min.): Ka̱ʼa̱n ta ná ka̱ʼa̱nna.

Ku̱a̱ʼá na̱ yiví ndákanixi̱nína ña̱ va̱ása ndáyáʼviví ña̱ va̱xi nu̱ú Biblia chi sásiníña nu̱úna ña̱ keʼéna ña̱ kúni̱ miína, tá kúú ña̱ ku̱su̱nna xíʼin na̱ ta̱ʼán tindaʼa̱ xíʼinna. Ta saátu káʼa̱nña xa̱ʼa̱ na̱ matrimonio. ¿Á kándíxaún ña̱ va̱ʼaní chindeétáʼan tu̱ʼun Ndióxi̱ xíʼún tá ná kuniso̱ʼún ña̱ káʼa̱nña? (Is 48:17, 18; Ro 12:2).

Iin na̱ʼná ña̱ ka̱na nu̱ú video “¿Nda̱chun kándíxayó Ndióxi̱?. Yichi̱ Ndióxi̱ va̱ʼaníña nu̱úka ña̱ kúni̱ miíi̱”. Ta̱ Hugo xíʼin ñá Clara.

¿Nda̱chun va̱ása xíniñúʼu kuniso̱ʼoyó ña̱ káʼa̱n na̱ yiví na̱ kǒo ndásakáʼnu Ndióxi̱? (Jer 10:23; 17:9; 2Co 11:13-15; Ef 4:18, 19).

Ña̱ ndakuiún

Na̱ʼná ña̱ video “¿Nda̱chun kándíxayó Ndióxi̱?. Yichi̱ Ndióxi̱ va̱ʼaníña nu̱úka ña̱ kúni̱ miíi̱”: 1. Nu̱ú iin Tablet xítoyó ña̱ tu̱ʼun jw.org. 2. Nani ku̱a̱ʼa̱n ta̱ Hugo xíʼin tú metro káʼvira Biblia nu̱ú celular. 3. Ñá Clara káʼa̱nñá xíʼin Ndióxi̱.

¿Nda̱chun xíniñúʼu kandíxayó ña̱ káʼa̱n Jehová? (Jn 3:16; Ro 11:33; Tit 1:2).

Ña̱ ndakuiún

Na̱ kǒo xíniso̱ʼo ña̱ káʼa̱n Jehová kǒo ki̱ʼvina ti̱xin reinora (1Co 6:9, 10). Soo, ¿á xa̱ʼa̱ ña̱yóʼo kúú ña̱ xíniñúʼu kuniso̱ʼoyó ndiʼi ña̱ káʼa̱n Jehová xíʼinyó?

Chikaa̱ VIDEO ¿Nda̱chun kándíxayó Ndióxi̱?. Yichi̱ Ndióxi̱ va̱ʼaníña nu̱úka ña̱ kúni̱ miíi̱. Tándi̱ʼi keʼé pregunta ña̱ va̱xi yóʼo:

¿Ndáa ki̱ʼva chíndeétáʼan ña̱ káʼa̱n Jehová xíʼinyó?

Ña̱ ndakuiún