7-13 TÍ OCTUBRE
SALMOS 92-95
Yaa 84 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Kúsi̱íní-iniyó ña̱ ndásakáʼnuyó Jehová
(10 min.)
Iinlá Jehová xíniñúʼu ndasakáʼnuyó (Sl 92:1, 4; w18.04 26 párr. 5).
Chindeétáʼan xíʼin na̱ ndásakáʼnu Jehová ña̱ vií ndaka̱xinna ña̱ keʼéna tasaá kusi̱í-inina (Sl 92:5; w18.11 20 párr. 8).
Ni xa̱a̱ ku̱chée na̱ ndásakáʼnu Jehová, soo ndáyáʼvinína nu̱úra (Sl 92:12-15; w20.01 19 párr. 18).
NDAKANIXI̱NÍ XA̱ʼA̱ ÑA̱YÓʼO: “¿Ndáaña sási nu̱úi̱ ña̱ ndataxii̱ miíi̱ ndaʼa̱ Jehová ta ndakuchii̱?”.
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Sl 92:5. ¿Nda̱chun va̱ʼaní káʼa̱n tu̱ʼun yóʼo xa̱ʼa̱ ña̱ ndíchi ña̱ kúúmií Jehová? (cl-S 176 párr. 18).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Ro 1:1-17 (th lección 5).
4. Kixáʼa natúʼun xíʼin na̱ yiví
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Nani káʼún xíʼinna ndukú ki̱ʼva ña̱ ka̱ʼún xíʼinna ña̱ sána̱ʼún na̱ yiví xa̱ʼa̱ Ndióxi̱ (lmd lección 5 punto 3).
5. Ndikó nu̱úna
(3 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ka̱ʼa̱n xíʼin iin na̱ yiví na̱ kǒo níxiin kaʼvi xa̱ʼa̱ Ndióxi̱ tá ya̱chi̱ ña̱ kúni̱ún sanáʼúnna (lmd lección 8 punto 4).
6. Ná xa̱a̱na ndasakáʼnuna Ndióxi̱
(5 min.) Natúʼun xíʼin iin na̱ káʼviún xíʼin na̱ kǒo chíka̱a̱ ndee̱ keʼéna ña̱ káʼa̱n Ndióxi̱ (lmd lección 12 punto 5).
Yaa 5
7. Nda̱a̱ na̱ va̱lí kíʼin ku̱e̱ʼe̱ ña̱ naní ansiedad
(15 min.): Ka̱ʼa̱n ta ná ka̱ʼa̱nna.
Miíyó na̱ ndásakáʼnu Jehová iin sana kivi kiʼin ku̱e̱ʼe̱ ña̱ naní ansiedad miíyó. Tá kúú ta̱ rey David ni̱xi̱yo iin tiempo ña̱ ndo̱ʼora ku̱e̱ʼe̱ yóʼo saáchi xi̱ndiʼi̱ní-inira ta ki̱ʼva saá ndóʼo ku̱a̱ʼá na̱ ñaniyó xíʼin ku̱ʼvayó tiempo vitin (Sl 13:2; 139:23). Nda̱a̱ na̱ va̱lí ndóʼo kue̱ʼe̱ yóʼo, sana kǒo kúni̱kana ku̱ʼu̱nna escuela á ña̱ ku̱ʼu̱nna reunión. Ta xa̱ʼa̱ ña̱ ndóʼona ku̱e̱ʼe̱ yóʼo iin sana kíxáʼana ndeéní yíʼvina ta nda̱a̱ sava yichi̱ kúni̱na kaʼnína miína.
Na̱ va̱lí, tá kíxáʼa ndeéní ndíʼi̱-inindó xa̱ʼa̱ ña̱ kúúmiíndó ku̱e̱ʼe̱ ña̱ ansiedad, kivi ka̱ʼa̱nndó xíʼin na̱ yivándó á iin na̱ hermano ña̱ va̱ʼa chindeétáʼanna xíʼinndó. Ta saátu ka̱ʼa̱n xíʼin Jehová ná chindeétáʼanra xíʼún (Flp 4:6). Ndiʼi tiempo íyora ña̱ chindeétáʼanra xíʼún (Sl 94:17-19; Is 41:10). Ña̱ ndo̱ʼo ta̱ Steing kivi chindeétáʼan xíʼún.
Chikaa̱ VIDEO Jehová ndíʼi̱-inira xa̱ʼíi̱. Tándi̱ʼi keʼé pregunta ña̱ va̱xi yóʼo:
• ¿Ndáa texto va̱ʼaní chi̱ndeétáʼan xíʼin ta̱ Steing, ta nda̱chun?
• ¿Ndáa ki̱ʼva xi̱ndaa Jehová ta̱ Steing?
Ndóʼó na̱ íyo se̱ʼe kivi chindeétáʼandó xíʼin na̱ va̱lí se̱ʼendó tá kúúmiína ku̱e̱ʼe̱ ansiedad, va̱ʼaní kuniso̱ʼondó tá xa̱a̱ nátúʼunna xíʼinndó, ka̱ʼa̱nndó xíʼinna ña̱ kúʼvi̱ní-inindó xínindóna ta chindeétáʼanndó xíʼinna ña̱ kunda̱a̱-inina ña̱ kúʼvi̱ní-ini Jehová xínirana (Tit 2:4; Snt 1:19). Jehová sandíkora-inindó ta taxira ndee̱ ndaʼa̱ndó ña̱ va̱ʼa chindeétáʼanndó xíʼin na̱ va̱lí se̱ʼendó.
¿Á íyo iin na̱ kúúmií ku̱e̱ʼe̱ ña̱ ansiedad ti̱xin congregación nu̱ú xáʼún? Savana ndóʼovanaña soo kǒo xíni̱yó ña̱ ndóʼonaña. Á sana xíni̱tuyó iinna, soo kǒo kúnda̱a̱-iniyó ndáaña ndóʼona xíʼin ku̱e̱ʼe̱ kán. Soo íyo iin ña̱ kivi keʼéyó: ná kuʼvi̱-iniyó kuniyó ndiʼina ta ná ndi̱ʼi̱-iniyó xa̱ʼa̱na (Pr 12:25; Heb 10:24).
8. Estudio ña̱ congregación
(30 min.) bt cap. 16 párr. 6-9 xíʼin recuadro pág. 132.