18-24 TÍ NOVIEMBRE
SALMOS 107, 108
Yaa 7 xíʼin oración | Ña̱ ka̱ʼa̱nna tá ná kixáʼa reunión (1 min.)
1. “Taxindó tíxa̱ʼvi ndaʼa̱ Jehová chi va̱ʼaní-inira”
(10 min.)
Nda̱a̱ táki̱ʼva ta̱vá Jehová na̱ israelita na̱ xi̱ndoo ñuu Babilonia, ki̱ʼva saá ta̱vára miíyó nu̱ú ñuyǐví ta̱ Ndi̱va̱ʼa (Sl 107:1, 2; Col 1:13, 14).
Kúsi̱íní-iniyó xa̱ʼa̱ ña̱ ke̱ʼé Jehová xa̱ʼa̱yó, ña̱kán ndásakáʼnuyóra ti̱xin congregación (Sl 107:31, 32; w07-S 15/4 20 párr. 2).
Ña̱ va̱ʼa kuni̱yó taxiyó tíxa̱ʼvi ndaʼa̱ Jehová, xíniñúʼu ndakanixi̱níyó ndáa ki̱ʼva xa̱a̱ náʼa̱ra ña̱ kúni̱ra xínira miíyó (Sl 107:43; w15-S 15/1 9 párr. 4).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Sal 108:13. Tá túviyó ña̱ kǒoka ndee̱ kúúmiíyó, ¿ndáaña kivi chindeétáʼan xíʼinyó? (w23.10 17 párr. 20).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi
(4 min.) 1Co 1:1-17 (th lección 5).
4. Kixáʼa natúʼun xíʼin na̱ yiví
(3 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. (lmd lección 1 punto 4).
5. Ndikó nu̱úna
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ka̱ʼa̱n xíʼinna ndáa ki̱ʼva sánáʼa̱yó na̱ yiví xa̱ʼa̱ Ndióxi̱ ta taxi iin tarjeta ña̱ káʼa̱n xa̱ʼa̱ ña̱yóʼo ndaʼa̱na (lmd lección 9 punto 3).
6. Discurso
(5 min.) ijwyp-S 90. ¿Ndáaña kivi ke’íi̱ ña̱ va̱ʼa kǒo ndakavaní-inii̱? (th lección 14).
Yaa 46
7. Tá xítayó nu̱ú Jehová táxiyó tíxa̱ʼvi ndaʼa̱ra
(15 min.) Ka̱ʼa̱n ta ná ka̱ʼa̱nna.
Ni̱yi̱ʼvíní na̱ israelita tá xi̱kuni̱ na̱ egipcio kaʼnínana, soo Jehová sa̱kǎkurana tá nda̱taʼvíra mar Rojo. Xa̱ʼa̱ ña̱ ni̱kusi̱íní-inina ña̱ sa̱kǎku Jehová miína xíʼin ndiʼi níma̱na xi̱tana iin yaa nu̱úra (Éx 15:1-19). Na̱ ta̱a kúú na̱ siʼna ki̱xáʼa xíta yaa nu̱ú Jehová (Éx 15:21). Saátu xi̱xita ta̱ Jesús xíʼin na̱ cristiano na̱ ni̱xi̱yo siglo nu̱ú yaa nu̱ú Jehová (Mt 26:30; Col 3:16). Ta saátu tiempo vitin xítayó yaa nu̱ú Jehová tá ku̱a̱ʼa̱nyó reunión xíʼin asamblea. Tá kúú yaa ña̱ sa̱kán xi̱tayó ña̱ naní “Táxindi̱ tixaʼvi ndaʼún Jehová” ka̱naña ku̱i̱ya̱ 1966 ta nani saá ki̱xáʼayó xítayóña tá xáʼa̱nyó reunión.
Sava ñuu kúkaʼanní nu̱ú na̱ ta̱a katana yaa. Ta savana kúkaʼanní nu̱úna chi túvi̱na ña̱ kǒo livi xítana, soo ná ndakaʼányó chi Jehová kúú ta̱ ndásakáʼnuyó tá xítayó reunión. Na̱ ñuu Jehová chíkaa̱nína ndee̱ ña̱ tavána yaa livi ña̱ katayó nu̱úra, ta viíní ndáka̱xinna ña̱ katayó iin tá iin reunión. Ña̱kán, nda̱saa ña̱ xíniñúʼu keʼéyó kúú ña̱ katayó yaa nu̱ú Jehová ña̱ va̱ʼa na̱ʼa̱yó ña̱ kúni̱níyó xíniyóra.
Chikaa̱ VIDEO Ña̱ káʼa̱n xa̱ʼa̱ na̱ ñuu Ndióxi̱: Historia ña̱ káʼa̱n xa̱ʼa̱ yaa ña̱ xítayó (táʼví 2). Tándi̱ʼi keʼé pregunta ña̱ va̱xi yóʼo:
¿Ndáaña ndáyáʼviní ku̱u ku̱i̱ya̱ 1944?
¿Ndáa ki̱ʼva ni̱na̱ʼa̱ na̱ hermano na̱ xi̱ñuʼu Siberia ña̱ ndáyáʼviní katana yaa nu̱ú Jehová?
Nu̱ú miíyó na̱ testigo Jehová, ¿nda̱chun ndáyáʼviní katayó yaa nu̱úra?
8. Estudio ña̱ congregación
(30 min.) bt cap. 18 párr. 6-15.