20-26 TÍ ENERO
SALMOS 138, 139
Yaa 93 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Taxi comentario, kǒo yi̱ʼvíún
(10 min.)
Kúni̱yó ndasakáʼnuyó Jehová xíʼin ndiʼi níma̱yó (Sl 138:1).
Ka̱ʼa̱n xíʼin Jehová ña̱ va̱ʼa chindeétáʼanra xíʼún taxiún comentario ti̱xin reunión (Sl 138:3).
Iin ña̱ va̱ʼava kúú ña̱ yíʼviún, soo kǒo taxiún kasi ña̱yóʼo nu̱ún ña̱ ndasakáʼnún Jehová (Sl 138:6; w19.01 10 párr. 10).
ÑA̱ KIVI KEʼÚN: Tá xa̱a̱ ná taxiún iin comentario loʼova ka̱ʼún, ña̱yóʼo chindeétáʼan xíʼún ña̱ kǒo yi̱ʼvíún (w23.04 21 párr. 7).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Sl 139:21, 22. ¿Á xíniñúʼu ixakáʼnu-iniyó xa̱ʼa̱ ndiʼi na̱ yiví? (it-2-S 635 párr. 7).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Gál 2:11-21 (th lección 2).
4. Kixáʼa natúʼun xíʼin na̱ yiví
(3 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. (lmd lección 2 punto 3).
5. Ná xa̱a̱na ndasakáʼnuna Ndióxi̱
(4 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Ka̱ʼa̱n xíʼin na̱ yiví ña̱ kúni̱ún kaʼviún xíʼinna, ta ka̱ʼa̱n xíʼinna ndáa ki̱ʼva sánáʼa̱yó na̱ yiví (lmd lección 10 punto 3).
6. Discurso
(5 min.) ijwyp-S artículo 105. Ña̱ naní: ¿Ndáaña kivi keʼíi̱ tá kaʼanní nu̱úi̱? (th lección 16).
Yaa 59
7. Ni kaʼanní nu̱ún, kiviva kachíñún nu̱ú Ndióxi̱
(15 min.) Ka̱ʼa̱n ta ná ka̱ʼa̱nna.
¿Á kaʼanní nu̱ún? ¿Á va̱ʼaka kúniún tá kǒo ni iin na̱ yiví káʼa̱n xíʼún? ¿Á yíʼviún tá xa̱a̱ ndákanixi̱níún ña̱ xíniñúʼu ka̱ʼún xíʼin inkana? Sava yichi̱, xa̱ʼa̱ ña̱ kaʼan nu̱úyó kǒo kívi keʼéyó ña̱ kútóoyó keʼéyó. Soo ku̱a̱ʼání na̱ hermano na̱ xi̱kukaʼan nu̱ú, vitin chíkaa̱na ndee̱ ña̱ natúʼunna xa̱ʼa̱ Ndióxi̱ ta kúsi̱í-inina. ¿Ndáaña sákuaʼayó xíʼin ña̱ ke̱ʼéna?
Chikaa̱ VIDEO Chíkaa̱níi̱ ndee̱ ña̱ kachíñui̱ nu̱ú Jehová ni kaʼanní nu̱úi̱. Tándi̱ʼi keʼé pregunta ña̱ va̱xi yóʼo:
¿Ndáaña va̱ʼa ndákiʼin ñá Lee xa̱ʼa̱ ña̱ xi̱niso̱ʼoñá consejo ña̱ ta̱xi xi̱tánñá ndaʼa̱ñá?
Biblia káʼa̱nña ña̱ sana xi̱kukaʼanní nu̱ú ta̱ Moisés, ta̱ Jeremías xíʼin ta̱ Timoteo (Éx 3:11; 4:10; Jer 1:6-8; 1Ti 4:12). Soo mií Jehová chi̱ndeétáʼan xíʼinna ta ke̱ʼéna ku̱a̱ʼání ña̱ʼa ña̱ ndáyáʼvi xa̱ʼa̱ra (Éx 4:12; Jer 20:11; 2Ti 1:6-8).
Kaʼvi Isaías 43:1, 2. Tándi̱ʼi keʼé pregunta ña̱ va̱xi yóʼo:
¿Ndáaña káʼa̱n Jehová taxira ndaʼa̱ na̱ káchíñu nu̱úra?
¿Ndáa ki̱ʼva chindeé Jehová na̱ kaʼan nu̱ú ña̱ va̱ʼa kachíñuna nu̱úra?
Chikaa̱ VIDEO Si̱íníka koún tá ná ndakuchiún, ¿nda̱chun? (iin táʼví). Tándi̱ʼi nda̱ka̱tu̱ʼunna:
¿Ndáa ki̱ʼva xa̱a̱ chíndeétáʼan Jehová xíʼin ñá hermana Jackson tá ku̱a̱ʼa̱nñá predicación?
Tá ná natúʼun na̱ kaʼan nu̱ú xa̱ʼa̱ Ndióxi̱, ¿ndáa ki̱ʼva chindeétáʼanña xíʼinna?
8. Estudio ña̱ congregación
(30 min.) bt cap. 21 párr. 8-13 xíʼin recuadro ña̱ pág. 169.