28 TÍ ABRIL NDA̱A̱ 4 TÍ MAYO

PROVERBIOS 11

Yaa 90 xíʼin oración | Ña̱ ka̱ʼa̱nna tá ná kixáʼa reunión (1 min.)

ÑA̱ NDÁYÁʼVINÍ KÁʼA̱N TU̱ʼUN NDIÓXI̱

1. Kiʼin kuenta xíʼin ña̱ káʼún

(10 min.)

Kǒo ka̱ʼún iin ña̱ʼa ña̱ kivi saxóʼvi̱-ini inkana (Pr 11:9; w02-S 15/5 26 párr. 4).

Kǒo ka̱ʼa̱n-ndaún xa̱ʼa̱ inkana (Pr 11:11; w02-S 15/5 27 párrs. 2, 3).

Tá na̱túʼunna iin ña̱ʼa xíʼún kǒo kakaún natúʼún xíʼin inkana xa̱ʼa̱ ña̱yóʼo (Pr 11:12, 13; w02-S 15/5 27 párr. 5).

U̱vi̱ ta̱ hermano ñúʼura salón ta nátúʼunra. Iin ta̱yóʼo kíxáʼara káʼa̱nra ña̱ va̱ása va̱ʼa xa̱ʼa̱ iin ta̱ hermano ta̱ kúyatin nu̱úna.

ÑA̱ NDAKANIXI̱NÍYÓ XA̱ʼA̱: Táki̱ʼva ni̱ka̱ʼa̱n ta̱ Jesús nu̱ú Lucas 6:45, ¿ndáaña chindeétáʼan xíʼinyó ña̱ va̱ʼa kǒo ka̱ʼa̱nyó ña̱ʼa ña̱ kivi saxóʼvi̱-ini inkana?

2. Ná ka̱ʼa̱nyó xa̱ʼa̱ ña̱ chindeétáʼan xíʼinyó

(10 min.)

Pr 11:17. ¿Ndáaña va̱ʼa ndákiʼin na̱ yiví na̱ va̱ʼa-ini? (g20.1-S 11, recuadro).

Ña̱ ndakuiún
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?

Ña̱ ndakuiún

3. Ña̱ kaʼviyó nu̱ú tu̱ʼun Ndióxi̱

(4 min.) Heb 7:1-17 (th lección 5).

NÁ SANÁʼA̱ VIÍYÓ

4. Kixáʼa natúʼun xíʼin na̱ yiví

(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ndukú ki̱ʼva ña̱ natúʼún xíʼin na̱ yiví xa̱ʼa̱ ña̱ sa̱kuaʼún reunión (lmd lección 2 punto 4).

5. Ndikó nu̱úna

(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Kuniñúʼu video ña̱ va̱xi nu̱ú káʼa̱nña xíʼinyó ndáa ki̱ʼva natúʼunyó xíʼin na̱ yiví, soo kǒo chika̱únña (lmd lección 8 punto 3).

6. Ná xa̱a̱na ndasakáʼnuna Ndióxi̱

(4 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Ka̱ʼa̱n xíʼinna á kúni̱na ña̱ sanáʼúnna xa̱ʼa̱ Biblia, ta ka̱ʼa̱n xíʼinna ndáa ki̱ʼva káʼviyó xíʼin na̱ yiví (lmd lección 10 punto 3).

ÑA̱ KÉʼÉYÓ NA̱ TESTIGO JEHOVÁ

Yaa 157

7. Kǒo ka̱ʼa̱nyó ña̱ʼa ña̱ kivi sandátaʼví na̱ congregación

(15 min.) Ka̱ʼa̱n ta ná ka̱ʼa̱nna.

Xa̱ʼa̱ ña̱ kúúyó na̱ yiví ku̱a̱chi, sava yichi̱ káʼa̱nyó ña̱ sáxo̱ʼvi-ini inkana (Snt 3:8). Íyo sava ña̱ káʼa̱nyó á kéʼéyó ta ña̱yóʼo kivi saxóʼvi̱ña ini inkana, ña̱kán ná chikaa̱yó ndee̱ ña̱ kǒo ka̱ʼa̱nyóña tasaá kǒo saxóʼvi̱yó ini inkana. Ña̱yóʼo kúú sava ña̱ kivi ndatáʼví na̱ congregación:

Ña̱ ni̱nuní kuniyó. Tá ná kixáʼayó ka̱ʼa̱n va̱ʼayó xa̱ʼa̱ mií kuitíyó, ña̱yóʼo kivi sakúxíkaña miíyó nu̱ú na̱ hermano ta nda̱a̱ kixáʼana sa̱a̱-inina kunina miíyó (Pr 27:2).
Tá ná ka̱ʼa̱nyó ña̱ va̱ása va̱ʼa xa̱ʼa̱ inkana. Ña̱yóʼo kúni̱ kachiña ña̱ ka̱ʼa̱nyó ña̱ vatá á ña̱ to̱ʼón xa̱ʼa̱ iin na̱ yiví. Tá ná keʼéyó ña̱yóʼo inkana kivi kixáʼana ndakanixi̱nína ña̱ va̱ása va̱ʼa xa̱ʼa̱na. Ña̱kán, iin kuití tu̱ʼun ña̱ ka̱ʼa̱nyó kivi ndataʼvíña miíyó ta nda̱a̱ kivi kixáʼana ndakanixi̱nína ña̱ va̱ása va̱ʼa xa̱ʼa̱yó (Ec 10:1).
Ña̱ kakayó ka̱ʼa̱nyó xa̱ʼa̱ inkana. Ña̱yóʼo kúni̱ kachiña ña̱ kakayó natúʼunyó xa̱ʼa̱ iin na̱ yiví xíʼin inkana. Kúni̱ kachituña ña̱ kakayó natúʼunyó xíʼin inkana xa̱ʼa̱ ña̱ na̱túʼunna xíʼinyó (1Ti 5:13). Tá ná keʼéyó ña̱yóʼo kivi sakánitáʼanyó na̱ hermano ta nda̱a̱ kivi ndataʼví-táʼanyó.
Ña̱ kue̱ʼe̱ní ka̱ʼa̱nyó. Ña̱yóʼo kúni̱ kachiña ña̱ sa̱a̱níyó xíʼin iin na̱ yiví na̱ ke̱ʼé ña̱ va̱ása va̱ʼa xíʼinyó, ta kue̱ʼe̱ní ndakuiinyó yuʼúna (Ef 4:26). Tá ná keʼéyó ña̱yóʼo kivi sáxo̱ʼviyó-ini inkana (Pr 29:22).

Na̱ʼná ña̱ va̱xi nu̱ú video “Ná kǒo keʼéyó ña̱ sákuxíka miíyó nu̱ú inkana” (iin táʼvíña). 1. Ñá Emily xíʼin ñá Celia nátúʼunná. Ñá Celia xítoñá ña̱ sa̱ndaa ñá Clara nu̱ú teléfono. 2. Kue̱ʼe̱ní káʼa̱n ñá Clara xíʼin ñá Celia tá xi̱nitáʼanna estacionamiento.

Chikaa̱ VIDEO Ná kǒo keʼéyó ña̱ sákuxíka miíyó nu̱ú inkana (iin táʼvíña). Tándi̱ʼi keʼé pregunta ña̱ va̱xi yóʼo:

Kamaní kaku ku̱a̱chi ti̱xin congregación tá kǒo kíʼinyó kuenta xíʼin ña̱ káʼa̱nyó ña̱kán, ¿ndáaña sákuaʼayó xíʼin video yóʼo?

Ña̱ ndakuiún

Ña̱ va̱ʼa kundaa̱-iniún ndáaña ke̱ʼéna ña̱ va̱ʼa ki̱xáʼa tukuna vií kítáʼanna, koto video ña̱ naní: “Ná chika̱a̱yó ndee̱ ña̱ viíní kutáʼanyó xíʼin inkana”.

8. Estudio ña̱ congregación

(30 min.) bt cap. 25 párr. 14-21.