9-15 TÍ JUNIO
PROVERBIOS 17
Yaa 157 xíʼin oración | Ña̱ ka̱ʼa̱nna tá ná kixáʼa reunión (1 min.)
Iin na̱ matrimonio na̱ ñuu Israel kúsi̱íní-inina ndóona xíxina.
1. ¿Ndáaña kivi keʼé na̱ xa̱a̱ ti̱ndaʼa̱ ña̱ va̱’a vií kutá’anna?
(10 min.)
Sana kivi ixayo̱ʼvi̱ña xíʼin na̱ xa̱a̱ ti̱ndaʼa̱ ña̱ vií kutáʼanna, soo xíniñúʼu chikaa̱na ndee̱ ña̱ ixato̱ʼó-táʼanna (Pr 17:1; koto na̱ʼná).
Tá ka̱ku iin ku̱a̱chi loʼo nu̱úndó ndasaviíndóña ña̱ va̱ʼa kǒo nduuña iin ku̱a̱chi káʼnu (Pr 17:9; g-S 9/14 11 párr. 2).
Kǒo kamaní sa̱ún (Pr 17:14; w08-S 1/5 11 párrs. 1, 2).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Pr 17:3. Táki̱ʼva káchi versículo yóʼo, ¿nda̱chun xíniñúʼu kundaayó níma̱yó? (w23.06 20 párr. 3).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) 1Pe 1:1-16 (th lección 10).
4. Kixáʼa natúʼun xíʼin na̱ yiví
(3 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. (lmd lección 3 punto 5).
5. Kixáʼa natúʼun xíʼin na̱ yiví
(4 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Ka̱ʼa̱n xíʼinna ña̱ kúni̱ún sanáʼúnna xa̱ʼa̱ Ndióxi̱ (lmd lección 6 punto 4).
6. Discurso
(5 min.) ijwbv-S artículo 60. Ña̱ naní: ¿Ndáaña kúni̱ kachi Proverbios 17:17? (th lección 13).
Yaa 113
7. Ña̱ kivi keʼún ña̱ va̱ʼa vií kutáʼún xíʼin na̱ veʼún
(15 min.) Ka̱ʼa̱n ta ná ka̱ʼa̱nna.
Ña̱ va̱ʼa vií kutáʼan iin na̱ familia ta si̱í koona xíniñúʼu natúʼun xíʼin táʼanna xa̱ʼa̱ ña̱ kúni̱na keʼéna. Tá ndiʼina káʼa̱n xa̱ʼa̱ ña̱ kúni̱na keʼéna saá kúú ña̱ va̱ʼaní chíndeétáʼan xíʼin táʼanna ta viíní kána ña̱ kúni̱na keʼéna, ta tá íyo iin na̱ yáʼa nu̱ú tu̱ndóʼo chíndeétáʼanna xíʼinna (Pr 15:22). ¿Ndáaña kivi keʼún ña̱ va̱ʼa viíka natúʼún xíʼin na̱ veʼún?
Tavándó tiempo ña̱ koo xíʼin táʼanndó (Dt 6:6, 7). Tá inkáchi kítáʼan na̱ familia kéʼéna sava ña̱ʼa, tá kúú ña̱ ku̱ʼu̱nna reunión xíʼin ña̱ keena predicación, ña̱ ku̱ʼu̱n si̱ína saá kúú ña̱ kuʼvi̱níka-inina kunitáʼanna ta kundaa-ini táʼanna. Tá ná keʼéna ña̱yóʼo, saá koo tiempo nu̱úna ña̱ natúʼun xíʼin táʼanna. Sava yichi̱, sana kúni̱yó keʼéyó iin ña̱ʼa, soo na̱ veʼeyó inkavaña kúni̱na keʼéna ña̱kán ná keʼéyó ña̱ kúnina tasaá si̱í kooyó (Flp 2:3, 4). ¿Ndáa ki̱ʼva kuniñúʼu viíyó tiempoyó tá íyoyó xíʼin na̱ veʼeyó? (Ef 5:15, 16).
Chikaa̱ VIDEO Kundiku̱nndó yichi̱ ña̱ táxi ña̱ táxi̱n koondó xíʼin na̱ veʼendó: Vií natúʼun táʼanndó. Tándi̱ʼi keʼé pregunta ña̱ va̱xi yóʼo:
Tá xíniñúʼuyó teléfono tá íyoyó xíʼin na̱ veʼeyó, ¿ndáa ki̱ʼva sásiña nu̱úyó ña̱ natúʼunyó xíʼinna?
¿Ndáaña sákuaʼayó xíʼin video yóʼo?
Kuniso̱ʼondó ña̱ káʼa̱n se̱ʼendó xíʼinndó (Snt 1:19). Tá xíto na̱ va̱lí se̱ʼendó ña̱ va̱ása kúnda̱a̱-inindó xíʼin ña̱ ndóʼona ta ndáʼyindó nu̱úna, kǒo kandíxana natúʼunna xíʼinndó xa̱ʼa̱ ndiʼi ña̱ ndóʼona. Ña̱kán, tá káʼa̱n se̱ʼún xíʼún xa̱ʼa̱ ña̱ ndóʼona kǒo sa̱ún xíʼinna ta ni kǒo ndaʼyi̱ún nu̱úna (Pr 17:27). Va̱ʼaka kuniso̱ʼo ña̱ káʼa̱nna xíʼún, ta ndaka̱tu̱ʼunna ndáa ki̱ʼva kúnina ña̱ va̱ʼa kunda̱a̱-iniún xíʼin ña̱ ndóʼona. Saá na̱ʼún nu̱úna ña̱ kúni̱ún xíniúnna tasaá va̱ʼaníka chindeétáʼún xíʼinna.
8. Estudio ña̱ congregación
(30 min.) bt cap. 27 párr. 19-22 xíʼin recuadro ña̱ pág. 212.