20-26 TÍ OCTUBRE
ECLESIASTÉS 9, 10
Yaa 30 xíʼin oración | Ña̱ ka̱ʼa̱nna tá ná kixáʼa reunión (1 min.)
1. ¿Ndáaña xíniñúʼu keʼíi̱ tá ku̱a̱yaʼi̱ nu̱ú tu̱ndóʼo?
(10 min.)
Tá yáʼayó nu̱ú tu̱ndóʼo va̱ása kúni̱ kachíña ña̱ kǒo kúsi̱íka-ini Jehová xíʼinyó (Ec 9:11; w13-S 15/8 14 párrs. 20, 21).
Xa̱ʼa̱ ña̱ xáʼndachíñu ta̱ Ndi̱va̱ʼa ñuyǐví yóʼo yáʼavayó nu̱ú ku̱a̱ʼá tu̱ndóʼo (Ec 10:7; w19.09 4 párr. 10).
Ni yáʼayó nu̱ú tu̱ndóʼo, ná taváyó tiempo ña̱ kusi̱í-iniyó xíʼin ndiʼi ña̱ va̱ʼa ña̱ táxi Jehová ndaʼa̱yó (Ec 9:7, 10; w11-S 15/10 8 párrs. 1, 2).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Ec 9:5. ¿Ndáaña ndóʼoyó tá xíʼi̱yó? (lff lección 29 punto 1).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Ec 10:1-20 (th lección 11).
4. Kixáʼa natúʼun xíʼin na̱ yiví
(3 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Kixáʼa natúʼun xíʼin iin na̱ yiví na̱ kúsuchí-ini (lmd lección 3 punto 4).
5. Kixáʼa natúʼun xíʼin na̱ yiví
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Kuniñúʼu ña̱ va̱xi nu̱ú folleto ña̱ naní Sánáʼa̱yó na̱ yiví chi kúʼvi̱-iniyó xíniyóna, ña̱ va̱xi nu̱ú apéndice 1 “Sava ña̱ va̱xi nu̱ú Biblia ña̱ kútóoníyó sanáʼa̱yó na̱ yiví”, ña̱ va̱ʼa natúʼún xíʼin iin na̱ yiví na̱ ndíʼi̱-ini xa̱ʼa̱ ña̱ yaʼviní ña̱ʼa (lmd lección 4 punto 4).
6. Ná xa̱a̱na ndasakáʼnuna Ndióxi̱
(5 min.) lff lección 17 ña̱ xa̱a̱ sa̱kuaʼayó, ná ndakaʼányó xa̱ʼa̱ ña̱yóʼo, xíʼin ña̱ naní Kivi keʼún ña̱yóʼo (lmd lección 12 punto 3).
Yaa 47
7. Jehová chíndeétáʼan xíʼinyó tá yáʼayó nu̱ú tu̱ndóʼo
(15 min.) Ka̱ʼa̱n ta ná ka̱ʼa̱nna.
Ndiʼiva ki̱vi̱ ku̱a̱yaʼayó nu̱ú tu̱ndóʼo, soo sava yichi̱ kíxi tu̱ndóʼo ña̱ ndeéníka nu̱úyó ta xa̱ʼa̱ ña̱kán xóʼvi̱níyó, ndákavaní-iniyó ta nda̱a̱ kǒo kúsi̱íka-iniyó káchíñuyó nu̱ú Ndióxi̱. ¿Ndáana kivi chindeétáʼan xíʼinyó tá ndóʼoyó ña̱yóʼo?
Ni nda̱a̱ ndáaka ña̱ ná kuu, ndiʼi tiempo va̱ʼaní chíndeétáʼan Jehová xíʼinyó (Is 33:6). Tá ndákuniyó ña̱ kǒo kíví keʼéyó ndiʼi ña̱ʼa ta saátu kíʼinyó kuenta xíʼin ña̱ ndákanixi̱níyó ña̱yóʼo chindeétáʼan xíʼinyó ña̱ kundaa-iniyó Jehová (Pr 11:2). Tá ná ya̱ʼayó nu̱ú tu̱ndóʼo ña̱ ndeéní, sana kuniñúʼuyó tiempo ña̱ va̱ʼa ndakani vií xi̱níyó tasaá ndaka̱xin viíyó ña̱ keʼéyó, saátu tá xíniñúʼu kundaayó miíyó á iin na̱ veʼeyó á tá kúni̱yó kuakuyó xa̱ʼa̱ ña̱ ni̱xi̱ʼi̱ na̱ veʼeyó á na̱ migoyó (Ec 4:6).
Jehová xíniñúʼura na̱ hermano ña̱ va̱ʼa chindeétáʼanna xíʼinyó. Ña̱kán ná taxiyó ña̱ chindeétáʼanna xíʼinyó, soo saátu kivi ka̱ʼa̱nyó xíʼinna ña̱ chindeétáʼanna xíʼinyó. Kúʼvi̱ní-ini na̱ hermano xínina yóʼó ta kúsi̱íní-inina tá chíndeétáʼanna xíʼún.
Kaʼvi 2 Corintios 4:7-9. Tándi̱ʼi keʼé pregunta ña̱ va̱xi yóʼo:
¿Nda̱chun xíniñúʼu chikaa̱yó ndee̱ ña̱ kachíñuyó nu̱ú Jehová ni íxayo̱ʼvi̱ña xíʼinyó?
Chikaa̱ VIDEO Ta̱ Gary xíʼin ñá Beth: “Jehová íyo yatinra xíʼin na̱ kúsuchí-ini”. Tándi̱ʼi keʼé pregunta ña̱ va̱xi yóʼo:
¿Ndáa ki̱ʼva chi̱ndeétáʼan Jehová xíʼin ta̱ Gary ta saátu xíʼin ñá Beth?
¿Ndáa ki̱ʼva chi̱ndeétáʼan na̱ hermano xíʼinna?
¿Ndáaña sákuaʼayó xíʼin ña̱ ke̱ʼé na̱yóʼo?
8. Estudio ña̱ congregación
(30 min.) lfb lección 28, nu̱ú kíxaʼá táʼví 6 xíʼin lección 29.