22-28 TÍ DICIEMBRE
ISAÍAS 11-13
Yaa 14 xíʼin oración | Ña̱ ka̱ʼa̱nna tá ná kixáʼa reunión (1 min.)
1. ¿Ndáa ki̱ʼva koo ta̱ Mesías?
(10 min.)
Ta̱ Jesé xi̱kuu yivá ta̱ David, ta ti̱xin na̱ veʼe ta̱ David kixi ta̱ Mesías (Is 11:1; ip-1-S 159 párrs. 4, 5).
Ixato̱ʼóníra Jehová ta kuumiíra espíritura (Is 11:2, 3a; ip-1-S 159 párr. 6; 160 párr. 8).
Nda̱kúní ndatiinra ku̱a̱chi ta kundáʼvi-inira kunira na̱ yiví (Is 11:3b-5; ip-1-S 160 párr. 9; 161 párr. 11).
ÑA̱ NDAKANIXI̱NÍYÓ XA̱ʼA̱: ¿Nda̱chun va̱ʼaníka xáʼndachíñu ta̱ Jesús nu̱ú na̱ chíñu na̱ íyo ñuyǐví yóʼo?
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Is 11:10. ¿Ndáa ki̱ʼva xínu profecía yóʼo? (ip-1-S 165, 166 párrs. 16-18).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Is 11:1-12 (th lección 11).
4. Kixáʼa natúʼun xíʼin na̱ yiví
(3 min.) TÁ KU̱A̱ʼÚN VEʼE TÁ VEʼE. (lmd lección 2 punto 5).
5. Ndikó nu̱úna
(4 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. Kuniñúʼu jw.org ña̱ va̱ʼa ka̱ʼún xíʼin na̱ yiví xa̱ʼa̱ ña̱ ni̱nda̱ka̱tu̱ʼunna yóʼó (lmd lección 8 punto 3).
6. Ná xa̱a̱na ndasakáʼnuna Ndióxi̱
(5 min.) Chindeétáʼan xíʼin na̱ sánáʼún ndáa ki̱ʼva sakúaʼana natúʼunna xíʼin na̱ yiví tá ná ku̱ʼu̱nna xíʼún veʼe tá veʼe (lmd lección 11 punto 4).
Yaa 57
7. ¿Á vií ndákanixi̱níyó xa̱ʼa̱ inkana?
(15 min.) Ka̱ʼa̱n ta ná ka̱ʼa̱nna.
Sava yichi̱, ni kǒo kíʼinyó kuenta ta xa̱a̱ kíxáʼayó káʼa̱nyó xa̱ʼa̱ savana ndáa ki̱ʼva íyona xa̱ʼa̱ ña̱ xíto kuitíyó. Soo ta̱ Jesús va̱ʼaní yichi̱ chínúura nu̱úyó, saáchi síín ndátiinra ku̱a̱chi (Is 11:3, 4). Ta̱ Jesús kivi kotora ña̱ ndíkaa̱ níma̱ iin tá iin na̱ yiví, xítora ndáa xa̱ʼa̱ kúú ña̱ kéʼéyó sava ña̱ʼa ta kúnda̱a̱-inira xíʼin ña̱ ndákanixi̱níyó. Miíyó kǒo kiviví kunda̱a̱-iniyó ndáaña ndíkaa̱ níma̱ na̱ yiví, soo kiviva chikaa̱yó ndee̱ ña̱ kundiku̱nyó yichi̱ra. Miíra ni̱ka̱ʼa̱n: “Sandákoondó ña̱ tiinndó ku̱a̱chi xíʼinna xa̱ʼa̱ ña̱ xíto kuitíndó: nda̱kú koo inindó tá tíinndó ku̱a̱chi xíʼin iinna” (Jn 7:24).
Tá ndákanixi̱níyó ña̱ va̱ása va̱ʼa xa̱ʼa̱ na̱ yiví xa̱ʼa̱ ña̱ xíto kuitíyó, kǒo kusi̱íka-iniyó natúʼunyó xa̱ʼa̱ Ndióxi̱ ta kǒo na̱ yiví ndani̱ʼíyó. Tá kúú, ¿á íxayo̱ʼvi̱ña xíʼinyó ku̱ʼu̱nyó nu̱ú na̱ yiví xa̱ʼa̱ ña̱ kúúna na̱ inka ñuu á na̱ inka religión? ¿Á íxayo̱ʼvi̱ña xíʼinyó ku̱ʼu̱nyó nu̱ú na̱ ku̱i̱ká á na̱ ndáʼvi? Tá xítoyó ki̱ʼva ña̱ náʼa̱ kuití iin na̱ yiví, ¿á ndákanixi̱níyó ña̱ va̱ása kuniso̱ʼona ña̱ natúʼunyó xíʼinna? Ndióxi̱ kúni̱ra “ña̱ ná ka̱ku ndiʼi na̱ yiví, ta ná xa̱a̱na kunda̱a̱ káxi inina mií ña̱ nda̱a̱ xa̱ʼa̱ra” (1Ti 2:4).
Chikaa̱ VIDEO Ña̱ sákuaʼayó ti̱xin Tutu Ña̱ Nátúʼun xíʼinyó: Ná va̱ása ndi̱ku̱n ndakanixi̱níyó inka ña̱ʼa xa̱ʼa̱ inkana. Tándi̱ʼi keʼé pregunta ña̱ va̱xi yóʼo:
¿Ndáa tu̱ndóʼo ni̱xi̱yo ñuu sava na̱ ni̱ya̱ʼa nu̱ú video yóʼo?
Tá ná kixáʼayó ndakanixi̱níyó nda̱a̱ táki̱ʼva ndákanixi̱ní na̱ ñuyǐví yóʼo, ¿ndáa tu̱ndóʼo kivi kuu ti̱xin congregación?
¿Ndáaña chi̱ndeétáʼan xíʼin na̱ hermano na̱ ni̱ya̱ʼa nu̱ú video ña̱ va̱ʼa kǒo ndakanixi̱nína nda̱a̱ táki̱ʼva ndákanixi̱ní na̱ ñuyǐví yóʼo?
¿Ndáaña sa̱kúaʼa miíún nu̱ú Tutu ña̱ nátúʼun xíʼinyó?
8. Estudio ña̱ congregación
(30 min.) lfb lección 46, 47.