8-14 TÍ JUNIO
JEREMÍAS 4-6
Yaa 56 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Ná kǒo keʼéyó nda̱a̱ táki̱ʼva ke̱ʼé na̱ ñuu Judá
(10 min.)
Na̱ ñuu Judá so̱ʼoní ni̱xi̱yona ta kǒo níxi̱kandíxana Ndióxi̱ (Jer 4:4, 14; w13-S 15/3 9, 10 párrs. 8, 9).
Kǒo níxikandíxana Ndióxi̱ ni xi̱kaʼa̱n káxira xíʼinna ña̱ va̱asa va̱ʼa xi̱keʼéna (Jer 5:31; jr-S 114 párr. 2)
Xa̱ʼa̱ ña̱ kǒo níxiniso̱ʼona ña̱ xi̱kaʼa̱n Jehová xíʼinna, ta̱xira castigo ndaʼa̱na (Jer 6:17-19).
NDAKANIXI̱NÍ XA̱ʼA̱ ÑA̱YÓʼO: “¿Ndáaña keʼíi̱ ña̱ va̱ʼa kǒo kuxíkai̱ nu̱ú Jehová?”.
Tá ki̱ʼin kue̱ʼe̱ yóʼó, ¿á su̱ví ña̱ nda̱a̱ kúú ña̱ kúni̱ún ná ka̱ʼa̱n káxína xíʼún ndáa ña̱ ndóʼún ña̱ va̱ʼa kutátáún? ¿Á saá ndóʼún xíʼin ña̱ ndásakáʼnún Ndióxi̱?
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Jer 4:10. ¿Ndáaña xi̱kuni̱ kachi ta̱ Jeremías tá ni̱ka̱ʼa̱nra ña̱ sa̱ndáʼví Jehová na̱ ñuura? (w07-S 15/3 9 párr. 4).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Jer 5:1-11 (th lección 5).
4. Kixáʼa natúʼun xíʼin na̱ yiví
(2 min.) NATÚʼUN XA̱ʼA̱ NDIÓXI̱ NU̱Ú XÍKA KU̱A̱ʼÁ NA̱ YIVÍ. (lmd lección 2 punto 3).
5. Kixáʼa natúʼun xíʼin na̱ yiví
(2 min.) TÁ KU̱A̱ʼÚN VEʼE TÁ VEʼE. (lmd lección 1 punto 3).
6. Ndikó nu̱úna
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Káʼa̱nna xíʼún ña̱ kǒo xíni̱na á ña̱ nda̱a̱ kúú ña̱ va̱xi nu̱ú Biblia (lmd lección 3 punto 3).
7. Ndakani xa̱ʼa̱ ña̱ kándíxaún
(3 min.) Escenificación. ijwfq artículo 5. Ña̱ naní: ¿Ndáa míí ka̱na ki̱vi̱ na̱ testigo Jehová? (th lección 7).
Yaa 60
8. Kuenta koún xíʼin información vatá
(8 min.) Ka̱ʼa̱n ta ná ka̱ʼa̱nna.
Su̱ví ña̱ nda̱a̱ níxi̱ka̱ʼa̱n na̱ profeta vatá na̱ ni̱xi̱yo ñuu Israel. I̱yoní kuniso̱ʼona ña̱ xi̱kaʼa̱n na̱yóʼo chi xíʼin ndinuʼu-inina xi̱kaʼa̱nna ña̱ vatá (Is 30:10; Jer 5:31). Ki̱ʼva saá íyo tiempo vitin, na̱ yiví na̱ káʼa̱n ña̱ vatá káʼa̱nna ña̱ kútóo na̱ yiví kuniso̱ʼona ña̱ va̱ʼa sandáʼvinana. ¿Ndáaña kivi chindeétáʼan xíʼún ña̱ va̱ʼa kǒo kandíxaunna?
Chikaa̱ VIDEO Kuenta koún xíʼin información vatá. Tándi̱ʼi keʼé pregunta ña̱ va̱xi yóʼo:
¿Nda̱chun iin ña̱ i̱yoní kúú información ña̱ vatá?
Tiempo vitin na̱ yiví kéʼéna video ña̱ ndixaní náʼa̱ ña̱ va̱ʼa sandáʼvína na̱ yiví, ¿nda̱chun xíniñúʼu kiʼinníyó kuenta xíʼin ña̱yóʼo?
¿Ndáaña kivi keʼéyó ña̱ va̱ʼa kunda̱a̱-iniyó á ña̱ nda̱a̱ kúú ña̱ káʼa̱nna? (Job 12:11).
NDAKANIXI̱NÍ XA̱ʼA̱ ÑA̱YÓʼO: ¿Á xíniso̱ʼi̱ ña̱ kútóo kuitíi̱ kuniso̱ʼi̱ ta kǒo nándukúi̱ xa̱ʼa̱ña? ¿Á távai̱ tiempo ña̱ nandukúi̱ xa̱ʼa̱ña ña̱ va̱ʼa kunda̱a̱-inii̱ á ña̱ nda̱a̱ kúúña?
Noticia ña̱ kána nu̱úyó tá xíniñúʼuyó internet á ña̱ redes sociales kúú ña̱ xa̱a̱ na̱ndukúyó tá ya̱chi̱. Xa̱ʼa̱ ña̱kán, tá kúni̱yó kunda̱a̱-iniyó xa̱ʼa̱ información ña̱ nda̱a̱, ná chikaa̱yó ndee̱ ña̱ nandukú va̱ʼayó xa̱ʼa̱ña.
9. Ña̱ xíniñúʼu na̱ congregación
(7 min.)
10. Estudio ña̱ congregación
(30 min.) lfb lección 92, 93.