31 TÍ AGOSTO NDA̱A̱ 6 TÍ SEPTIEMBRE
JEREMÍAS 31
Yaa 27 xíʼin oración | Ña̱ ka̱ʼa̱nna tá ná kixáʼa reunión (1 min.)
1. “Keʼíi̱ iin trato xa̱á”
(10 min.)
Jehová ni̱ka̱ʼa̱nra ña̱ nasamara ley ña̱ ta̱xira ndaʼa̱ ta̱ Moisés, ta keʼéra iin trato xa̱á ña̱ chindeétáʼan xíʼin ku̱a̱ʼáníka na̱ yiví ta kooña ndiʼi tiempo (Jer 31:31, 32; jr-S 169 párr. 4).
Trato xa̱á yóʼo kúú ña̱ ke̱ʼé Jehová xíʼin na̱ ku̱ʼu̱n kaʼndachíñu chí ndiví, ta saátu xíʼin trato xa̱á yóʼo kivi ixakáʼnu-ini Jehová xa̱ʼa̱ ku̱a̱chiyó (Jer 31:33, 34; w24.12 11 párr. 9).
Saátu miíyó na̱ koo nu̱ú ñuʼú yóʼo ku̱a̱ʼání ña̱ va̱ʼa ndákiʼinyó xíʼin trato xa̱á yóʼo (w10-S 15/3 27 párr. 14; jr-S 177 párr. 18).
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
Jer 31:3. ¿Ndáaña kúni̱ Jehová ná kandíxayó? (w25.08 8 párr. 2, 3).
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Jer 31:1-11 (th lección 12).
4. Kixáʼa natúʼun xíʼin na̱ yiví
(3 min.) TÁ KU̱A̱ʼÚN VEʼE TÁ VEʼE. Ka̱ʼa̱n xíʼinna ña̱ kúni̱ún sanáʼúnna xa̱ʼa̱ Ndióxi̱ (lmd lección 4 punto 3).
5. Kixáʼa natúʼun xíʼin na̱ yiví
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Kuniñúʼu ijwyp artículo 69 ña̱ va̱ʼa chindeétáʼún xíʼin iin na̱ ku̱a̱ʼa̱n xíʼún escuela tá ndíʼi̱ní-inina (lmd lección 3 punto 3).
6. Ndakani xa̱ʼa̱ ña̱ kándíxaún
(5 min.) Discurso. lvs cap. 5 párr. 3-6. Ña̱ naní: Ná koo xíkayó nu̱ú ñuyǐví yóʼo (th lección 14).
Yaa 67
7. Ná ka̱ʼa̱nyó xa̱ʼa̱ ña̱ kúni̱ na̱ yiví kunda̱a̱-inina ta ná kuniñúʼuyó JW.ORG
(15 min.) Ka̱ʼa̱n ta ná ka̱ʼa̱nna.
Tá xa̱a̱ ya̱chi̱ka ndákanixi̱níyó xa̱ʼa̱ ña̱ kivi ka̱ʼa̱n na̱ yiví xíʼinyó, va̱ása ixayo̱ʼvi̱ña xíʼinyó nasamayó ña̱ ka̱ʼa̱nyó tá ku̱a̱ʼa̱nyó predicación. Soo sava yichi̱ kivi ka̱ʼa̱nna xíʼinyó xa̱ʼa̱ iin ña̱ kǒo níndakanixi̱níyó xa̱ʼa̱. ¿Ndáaña kivi chindeétáʼan xíʼinyó tá kúu ña̱yóʼo?
Chikaa̱ VIDEO “Ka̱a xíʼin ka̱a ndásaxi̱ínña yuʼú táʼanña”: Viíní kuniñúʼuyó jw.org (iin táʼvíña). Tándi̱ʼi keʼé pregunta ña̱ va̱xi yóʼo:
Ndakanixi̱ní ña̱ xa̱a̱ campaña kúúña, ta ku̱a̱ʼún natúʼun xíʼin na̱ yiví veʼe tá veʼe. Soo ndáni̱ʼún iin na̱ yiví ta káʼa̱nna xíʼún ña̱ kǒo kándíxana Ndióxi̱, saáchi túvina ña̱ sa̱ndákoondaʼa̱rana tá ni̱ya̱ʼana nu̱ú iin tu̱ndóʼo ña̱ yo̱ʼvi̱ní.
Tá kúma̱níka ka̱ʼa̱nyó xíʼinna xa̱ʼa̱ Biblia, ¿ndáa ki̱ʼva na̱ʼa̱yó ña̱ ndíʼi̱-iniyó xa̱ʼa̱na? (Snt 1:19).
¿Ndáa texto kaʼviún nu̱úna? ¿Ndáa ki̱ʼva nandukúnña nu̱ú jw.org?
Tá kǒo ndákaʼún xa̱ʼa̱ iin texto, ¿ndáa tu̱ʼun kivi kaʼyiún nu̱ú lupa loʼo ña̱ va̱ʼa ndani̱ʼún ña̱ kivi chindeétáʼan xíʼún?
Tá kǒo kivi ki̱ʼviún nu̱ú sitio jw.org á nu̱ú aplicación JW Library®, ¿ndáa ki̱ʼva kivi chindeétáʼún xíʼin na̱ yiví na̱ nátúʼún xíʼin?
8. Estudio ña̱ congregación
(30 min.) lff lección 07.