Ña̱ kaʼviyó ti̱xin reunión
ENERO 2022
ÑA̱ KAʼVIYÓ TI̱XIN REUNIÓN 28 TÍ FEBRERO NDA̱A̱ 3 TÍ ABRIL 2022
© 2021 Watch Tower Bible and Tract Society of Pennsylvania
TEXTO ÑA̱ KU̱I̱YA̱ 2022:
“Na̱ nándukú Jehová va̱ása kuma̱ní nda̱a̱ ni iin ña̱ʼa nu̱úna” (SAL. 34:10).
Tutu yóʼo va̱ása íxi̱kóndi̱ña. Ku̱a̱ʼa̱nña iníísaá ñuyǐví, ña̱kán kunda̱a̱-ini na̱ yiví xa̱ʼa̱ ña̱ sánáʼa̱ Tu̱ʼun Ndióxi̱, ta kúva̱ʼaña xíʼin xu̱ʼún ña̱ táxi na̱ yiví xíʼin ndiʼi níma̱na. Tá kúni̱ún taxiún xu̱ʼún ki̱ʼvi nu̱ú donate.jw.org.
Sava tu̱ʼun Ndióxi̱ ña̱ va̱xi yóʼo ta̱vándi̱ña ti̱xin Tu̱ʼun Ndióxi̱ ña̱ naní La Biblia. Traducción del Nuevo Mundo ña̱ ka̱na tu̱ʼun sáʼán tá 2019, ta sa̱ndáya̱ʼandi̱ña tu̱ʼun sâví. Ta savaña ta̱vándi̱ña nu̱ú Biblia tu̱ʼun sâví Traducción del Nuevo Mundo Mateo-Apocalipsis.
NA̱ʼNÁ ÑA̱ VA̱XI CHÍ SA̱TÁ TUTU YÓʼO:
Ti̱xin ña̱ gran tribulación, na̱ chíñu na̱ kúú Gog ña̱ Magog, kuni̱na ki̱ʼvina veʼeyó ta ixandi̱va̱ʼana xíʼinyó. Soo va̱ʼaní kúniyó tá kúnda̱a̱-iniyó ña̱ mií ta̱ Jesús xíʼin na̱ ángel kiʼinna kuenta xíʼinyó ta ndakiʼinna tu̱ʼunyó (koto artículo ña̱ kaʼviyó 1, párrafo 13).