Tá xa̱a̱ káʼviún koto ndáaña xa̱á kivi sakúaʼún

Tá xa̱a̱ káʼviyó sana ndákanixi̱níyó: “¿Ndáaña kivi sakúaʼi̱?”. Kiviva ndakanixi̱níyó ña̱yóʼo soo ña̱ kúni̱yó kúú ña̱ koo tu̱ʼvayó ña̱ kotoyó ndáaña xa̱á kúni̱ Jehová sanáʼa̱ra miíyó.

Ka̱ʼa̱n xíʼin Jehová ná taxira ña̱ ndíchi ndaʼún. Chikaa̱ ndee̱ ña̱ sakúaʼakaún (Prov. 3:​5, 6). Ka̱ʼa̱n xíʼin Jehová ña̱ ná chindeétáʼanra xíʼún ña̱ kundaa̱-iniún ndáaña kúú ña̱ kúni̱ra sakúaʼún tá káʼviún (Sant. 1:5).

Taxi ná chindeétáʼan tu̱ʼun Ndióxi̱ xíʼún. “Saáchi tu̱ʼun Ndióxi̱ ña̱ táku kúúña” (Heb. 4:12). Tá káʼviyó Biblia kivi sakúaʼayó ña̱ xa̱á ta ku̱a̱ʼá ki̱ʼva chindeétáʼanña xíʼinyó. Ña̱kán tá xa̱a̱ káʼviyó ná kotoyó ndáaña xa̱á kivi sakúaʼayó.

Taxi tíxa̱ʼvi ndaʼa̱ Jehová xa̱ʼa̱ ndiʼi ña̱ sánáʼa̱ra yóʼó. Ña̱ sákuaʼayó xa̱ʼa̱ Jehová íyoña nda̱a̱ táki̱ʼva íyo iin mesa nu̱ú íyo ku̱a̱ʼání ña̱ʼa ña̱ ya̱si̱nní kuxuyó (Is. 25:6). Tá íyo ña̱ kǒo kútóún kaʼviún chikaa̱ ndee̱ kaʼviúnña. Chi saá táxiún ña̱ chindeétáʼan Ndióxi̱ xíʼún ta kusi̱íka-iniún tá káʼviún.