¿Ndáaña kivi keʼéyó ña̱ va̱ʼaka kaʼviyó?

¿Á kúni̱ún sakuaʼún ku̱a̱ʼáka ña̱ʼa tá xa̱a̱ káʼviún? Ña̱ va̱xi yóʼo kivi chindeétáʼanña xíʼún ña̱ viíka kunda̱a̱-iniún xíʼin ña̱ káʼviún.

• Ndaka̱xin iin lugar nu̱ú kivi kaʼviún. Yéʼe̱ní ná koo nu̱ú kaʼviún ta saátu limpioní ná kooña. Kivi kundúʼún nu̱ú mesa kaʼviún, á kivitu kaʼviún chí sa̱tá veʼe.

• Ndukú iin lugar nu̱ú kǒo na̱ yiví ña̱ va̱ʼa kaʼviún. Xi̱ta̱a̱nní xi̱ndako̱o ta̱ Jesús ña̱ va̱ʼa ka̱ʼa̱nra xíʼin Jehová, nu̱ú kǒo nda̱a̱ ni iin na̱ yiví (Mar. 1:35). Tá kǒo iin lugar nu̱ú kivi koo mitúʼún, ka̱ʼa̱n xíʼin na̱ veʼún á na̱ íyo xíʼún ña̱ kúni̱ún kaʼviún ta ná kǒo ka̱ʼa̱nna ni iin ña̱ʼa xíʼún nani káʼviún.

• Tá xa̱a̱ káʼviún, kǒo keʼún inka ña̱ʼa. Tá xíniñúʼún teléfono á tableta ña̱ kaʼviún, ña̱ keʼún kúú ña̱ sanúún ndiʼi volúmen á chinúúnña modo avión ña̱ va̱ʼa kǒo kixaa̱ mensaje nu̱ún. Saátu, sana tá xa̱a̱ káʼviún ndákaʼún xa̱ʼa̱ iin ña̱ xíniñúʼu keʼún, kaʼyíña nu̱ú iin tutu ña̱ va̱ʼa keʼúnña tá xa̱a̱ sa̱ndíʼún ka̱ʼviún. Tá íxayo̱ʼvi̱ña xíʼún kunda̱a̱-iniún xíʼin ña̱ káʼviún kivi kundichiún ta kanda̱ loʼún.