Kuniñúʼu ña̱ va̱ʼa ña̱ kúúmiíún

Ndiʼivayó kúsi̱í-ini ña̱ ndakutáʼanyó xíʼin na̱ hermano ña̱ chikaa̱yó ndee̱ xíʼin táʼanyó. Soo ña̱yóʼo kǒo kúni̱ kachiña ña̱ tá xa̱a̱ ndákutáʼan kuitívíyó kivi chikaa̱yó ndee̱ xíʼin táʼanyó. Biblia káʼa̱nña ña̱ va̱ʼa chikaa̱yó ndee̱ xíʼin na̱ hermano ña̱ kandíxakana Ndióxi̱, miívara kúú ta̱ chíndeétáʼan xíʼinyó (Rom. 1:​11, 12). ¿Ndáa ki̱ʼva kivi kuniñúʼún ña̱ ta̱xi Ndióxi̱ ndaʼún?

Chika̱a̱ ndee̱ xíʼin inkana xíʼin tu̱ʼun ña̱ káʼún. Tá kúú tá táxiún comentario ti̱xin reunión, va̱ása ndakanikaxi̱níún xa̱ʼa̱ miíún chi xíniñúʼu ndakanixi̱níún xa̱ʼa̱ Jehová, xa̱ʼa̱ tu̱ʼunra xíʼin xa̱ʼa̱ na̱ ndásakáʼnu miíra. Tá káʼún xíʼin na̱ hermano, ka̱ʼa̱n xa̱ʼa̱ iin tema ña̱ kivi chika̱a̱ ndee̱ xíʼinna ña̱ kandíxakanara.

Ña̱ ndáka̱xiún kéʼún ná chika̱a̱ña ndee̱ xíʼin inkana. Tá kúú, sana chíka̱ún ndee̱ ña̱ ku̱a̱ʼáka tiempo kachíñún nu̱ú Jehová nda̱a̱ táki̱ʼva kéʼé ku̱a̱ʼá na̱ hermano. Sana chíka̱ún ndee̱ ña̱ xáʼún reunión ña̱ xíyo ma̱ʼñú semana ni ndeéní ka̱chíñún á kúúmiíún iin kue̱ʼe̱ ña̱ ndeéní.

Xíʼin ña̱ kéʼún ta saátu xíʼin ña̱ káʼún, ¿á chíkaa̱ña ndee̱ xíʼin inkana? Ta saátu, ¿á chíka̱ún ndee̱ ña̱ sakúaʼún xíʼin ña̱ va̱ʼa ña̱ kéʼéna á ña̱ káʼa̱nna?