Ná kundayáʼvi ná ñaʼá nu̱ún nda̱a̱ táki̱ʼva ndáyáʼviná nu̱ú Jehová

Kaʼvi Jueces 4:4-8 ña̱ va̱ʼa kunda̱a̱-iniún ndáa ki̱ʼva xi̱niñúʼu Jehová ñá profeta Débora ña̱ va̱ʼa chindeétáʼanñá xíʼin ta̱ juez Barac.

Nandukúka ña̱ káʼa̱n xa̱ʼa̱ ña̱yóʼo. ¿Ndáa tu̱ndóʼo kúú ña̱ ni̱ya̱ʼa na̱ israelita nu̱ú? (Juec. 4:1-3, 12, 13; 5:6-8).

Nandukú xa̱ʼa̱ sava ña̱ʼa. ¿Ndáa chiñu ta̱xi Jehová ndaʼa̱ ñá Débora tiempo tá ni̱xi̱yo na̱ juez? (w15-S 1/8 12 párrs. 4, 5). ¿Ndáa xa̱ʼa̱ kúú ña̱ ni̱ka̱ʼa̱n ta̱ Barac xíʼin ñá Débora ña̱ ná ku̱ʼu̱nñá xíʼinra nu̱ú kánitáʼanna? (Juec. 4:8; wcg-S 78 párr. 4). ¿Ndáaña va̱ʼa kúúmií ñáyóʼo ki̱ʼinra kuenta xíʼin? (Juec. 4:14; 5:7, 9). ¿Ndáaña va̱ʼa nda̱kiʼin na̱ israelita xa̱ʼa̱ ña̱ chi̱ndeétáʼan ñá Débora xíʼin ta̱ Barac? (Juec. 5:31).

Ndakanixi̱ní ndáaña sákuaʼún xíʼin ña̱yóʼo. Nda̱ka̱tu̱ʼun ña̱yóʼo miíún:

• “¿Ndáaña sákuaʼi̱ xíʼin ña̱yóʼo xa̱ʼa̱ ki̱ʼva ña̱ xíto Jehová ná ñaʼá? ¿Ndáaña kivi sakúaʼa ta̱a xíʼin ki̱ʼva ña̱ kéʼé Jehová xíʼin ná ñaʼá?”.

• “¿Ndáaña kivi sakúaʼi̱ xíʼin ña̱ kéʼé ná hermana ná va̱ʼaní ndásakáʼnu Ndióxi̱?”.

• “Iin ta̱ xa̱a̱ ti̱ndaʼa̱, ¿ndáa ki̱ʼva na̱ʼa̱ra ña̱ ndáyáʼvi ña̱ káʼa̱n ñá síʼira xíʼinra?”.